Ayubu 26:14 - Digo Bible

¹⁴ Lola, ihi ni miphaka ya njiraze, naswi hunasikira vichache kumuhusu! Ni ani awezaye kuchielewa chiguruguru cha uwezowe?”

Ayubu 26:14 Referans Kwoze

Zaburi 145:3

Mwenyezi Mlungu ni mkpwulu na anafwaha kutogolwa sana, ukuluwe taupimika.

Zaburi 139:6

Marifwago, gananiangalaza, ni makulu sana hata siweza kugaelewa.

Arumi 11:33

Hebu lola vira utajiri, marifwa na ilimu ya Mlungu irivyo kulu! Ni ani awezaye kuelewa uamuli na njira za Mlungu?

Zaburi 29:3

Sauti ya Mwenyezi Mlungu inasikirika dzulu ya madzi, Mlungu wa nguma ananguruma dza chiguruguru, na sautiye inasikirika dzulu ya bahari.

Ayubu 40:9

We una mkpwono dza wa Mlungu, na kutuluza sauti ya kunguruma dza yakpwe?

Ayubu 36:29

Takuna amanyaye atandazavyo maingu, wala chiguruguru chibandavyo kula kpwakpwe.

Ayubu 4:12

Phahi naambirwa neno chisiri-siri, sikiro rangu richisikira neno rogombwa pokopoko.

1 Samueli 2:10

Ashindanao na Mwenyezi Mlungu andaangamizwa tsetsetse; Iye andaaolaga na chiguruguru kula mlunguni. Mwenyezi Mlungu andaamula dunia yosi; Naye andamupha mfalumewe mkpwotse, na kuenjereza uwezo wa iye ariyemmwagira mafuha.

Ayubu 37:4

Bada ya riro chiguruguru nkururuma, iye nkunguruma kpwa sautiye kulu. Atuluzapho sautiye, kazuliya ro limeme.

Ayubu 37:5

Mlungu nkunguruma kpwa njira ya kuangalaza, anahenda mambo makulu ambago tahuweza kugaelewa.

Ayubu 42:5

Mimi kala nkakusikira tu, ela vivi nkakuona na matso gangu.

Habakuki 3:4

Kungʼalwakpwe kala avi ni dzuwa. Panga mbiri za limeme zameka kula mwakpwe mkpwononi, ambamo ndimo arimofwitsa uwezowe.

Muhubiri 11:5

Uwe kumanya ni wakati wani phepho nkugaluza riphiyako. Piya kumanya mwana aumbwavyo ndanini mwa nine. Kpwa hivyo kuweza kumanya chila kazi ihendwayo ni Mlungu, iye ahendaye chila chitu.