Ayubu 24:9 - Digo Bible

⁹ (Kuna atu ambao anahala kpwa nguvu anachiya asiokala na ise zao kula nyahoni mwa nine zao, na kuhala mzamana ana atsanga a achiya.)

Ayubu 24:9 Referans Kwoze

Nehemia 5:5

Dzagbwe miri yehu ni dza miri ya ndugu zehu, ana ehu ni sawa na ana ao, kpwa utu wani hunalondwa hulazimishe ana ehu a chilume na a chichetu akale atumwa? Hata vivi ana ehu anjina achetu ni atumwa kare. Ela tahuweza kuhenda rorosi, mana minda yehu, mizabibu yehu i mikononi mwa atu anjina.”

2 Afalume 4:1

Phahi, mchetu mmwenga kahi ya akaza anafundzi a manabii wamlunga Elisha achimuamba, “Mtumwao, mlume wangu wafwa, na kama vira unavyomanya, wakala mwenye kumuogopha Mwenyezi Mlungu. Ela mdeniwe akedza kuahala anangu airi akale atumwae.”

Ayubu 6:27

Munaweza kupiga kura ili muhende anachiya akale atumwa, na kuguza asena enu.

Ayubu 22:6

Uwe wadai madeni kula kpwa nduguzo, na uchiafuta nguwo zao zikale mzamana, nawe uchiaricha chitsaha.

Ayubu 24:8

Nkulwama na mvula za myangoni, na kugadzamira myamba ili aphahe chivurivuri cha kuowa mvula.

Ayubu 24:10

Nyo achiya nkunyendeka chitsaha, bila nguwo, na kuvuna nganu ya atu kuno anahirika.

Ayubu 29:12

mana nakanira achiya arioririra kuterywa, na ye mwanachiya ambaye kala kana mutu wa kumterya.

Isaya 3:14

Mwenyezi Mlungu andalavya uamuli chinyume cha atumia na vilongozi a atue aambe, “Mwimwi ndimwi mchiobananga munda wangu wa mizabibu! Nyumba zenu mkaziodzaza vitu murivyofuta achiya.

Kumbukumbu 24:7

“Mutu yeyesi achimuhala mateka Muiziraeli myawe na kumuhenda mtumwawe au kumguza utumwani, mutu hiye ni aolagbwe ili msise uyi kahi yenu.