Ayubu 23:13 - Digo Bible

¹³ Ela kabadilika ngʼo, ni ani awezaye kushindana naye? Iye nkuhenda cho alondacho.

Ayubu 23:13 Referans Kwoze

Zaburi 115:3

Mlungu wehu a mlunguni anahenda vira alondavyo.

Misemo 19:21

Moyo wa mwanadamu una mipango minji; ela ropangbwa ni Mwenyezi Mlungu ndiro rikalaro.

Danieli 4:35

Osi asagalao duniani taaonewa dza chitu, naye nkuhenda amendzavyo kahi ya viumbe vya mlunguni na kahi ya viumbe vya duniani. Taphana awezaye kumpinga wala kumuuza, “Ukahendani?”

Isaya 46:10

Kula pho mwandzo nátabiri ndigokpwedzahendeka, pho kare nátangaza mambo ndigohendeka. Náamba kukala mipango yangu indafwaulu, nami ndahenda gosi nrigokusudiya kugahenda.

Ayubu 12:14

Anaphobananga, taphana awezaye kudzenga luphya, amfungirapho mutu, taphana awezaye kumvugurira.

Muhubiri 3:14

Ninamanya kukala chila chitu Mlungu ahendacho chindadumu ta kare na kare. Takuna chinachoweza kuenjerezwa au kuphunguzwa. Mlungu wagahenda gakale vivyo ili atu amuogophe.

Zaburi 135:6

Mwenyezi Mlungu anahenda rorosi alondaro, mlunguni na duniani, baharini na katika vivwa vyosi.

Muhubiri 1:15

Chiricho kundzika tachiweza kugoloswa, na ambacho tachipho tachiweza kuolangbwa.

Jakobo 1:17

Majaliwa manono gosi na zawadi nono zila dzulu mlunguni, kpwa Baba Mlungu. Iye ni muumba wa mianga ya mlunguni na kagaluka dza pepho ya muhi.

Arumi 9:19

Mendzerepho mutu andaniamba, “Ichikala ni hivyo, mbona Mlungu anahuamula? Ni ani awezaye kupinga vira Mlungu alondavyo?”

Ayubu 34:29

Ela achinyamala, ni ani awezaye kumlamula? Afwitsapho usowe taphana awezaye kumlola, si taifa, si mutu.

Ayubu 11:10

Achimtiya mutu jela, na kumwiiha kotini, ni ani awezaye kumkahaza?

Ayubu 10:7

Uwe unamanya kukala sina lawama, na takuna wa kunitivya kula mwako mkpwononi?

Ayubu 10:13

Ela gosi higo wagafwitsa mwako moyoni, namanya riri kala ndiro lengoro.

Ayubu 23:12

Sidzangbwericha kugbwira malagizo ga madomoge, nikatundza maneno ga kanwaye kuriko chakurya.

Ayubu 23:14

Mana andakamilisha go arigonipangira, chisha achere na manji dza gago mwakpwe achilini.

Isaya 46:11

Náiha mutu kula tsi ya mlairo wa dzuwa, iye andakpwedza dza kozi na atimize gara nrigopanga. Nkagagomba, nami ndagatimiza, nikagakusudiya nami ndagahenda.