Ayubu 22:29 - Digo Bible

²⁹ Mana Mlungu nkuatsereza enye kudzikarya, ela nkutivya anaodzitsereza.

Ayubu 22:29 Referans Kwoze

Jakobo 4:6

Ela Mlungu anahuonera mbazi zaidi. Ndiyo mana Maandiko ganaamba, “Mlungu anapinga anaodzikarya, na kuaonera mbazi a pole.”

1 Petero 5:5

Namwi munaolongozwa, aogopheni vilongozi enu. Na mosi avyere na adide kalani atu a pole na a kuhumikira ayawenu, mana Maandiko ganaamba: “Mlungu anapinga anaodzikarya, na kuaonera mbazi a pole.”

Luka 1:52

Waausira ufalume wao afalume akulu-akulu, na achiahenda muhimu anyonje.

Mathayo 23:12

Adzikpwezaye andatserezwa, na adzitserezaye andakpwezwa.

Misemo 29:23

Ngulu za mutu zindamʼbwaga, ela mwenye moyo wa kugbwa maguluni andaishimiwa.

Isaya 66:2

Vitu vivi vyosi navitengeza na mkpwono wangu, navyo vichikala,” Mwenyezi Mlungu anaamba. Nkuhamirwa ni hara adzitserezao na kutubu, aniogophao na kunitii.

Isaya 57:15

Mana vivi ndivyo aambavyo iye ariye dzulu, iye aunulwaye sana, iye ariye moyo hata kare na kare, ambaye dzinare ni Mtakatifu, “Mimi nasagala phatu phatakatifu pharipho dzulu, chisha ninasagala phamwenga na nyo adzitserezao na kutubu, ili niatiye nguvu nyiphya.

Zaburi 138:6

Dzagbwe Mwenyezi Mlungu ni mkpwulu, anajali anyonje, ela atu a roho mbii, nkuamanya kula kure.

Luka 14:11

Mana mutu yeyesi ndiyedzihenda muhimu, andatserezwa, na ndiyedzitsereza, andahendwa muhimu.”

Ayubu 5:11

Iye nkuunula ario anyenyekevu, na aho asononekao nkuongokerwa na akakala salama.

Ayubu 36:7

Iye kausa matsoge kpwa enye haki, ela nkuasagika kpwenye vihi vya utawala phamwenga na afalume na nkuahenda aishimiwe ta kare na kare.