Ayubu 21:22 - Digo Bible

²² Kuna mutu ndiyemfundza Mlungu marifwa? iye ndiye ahukumuye hata nyo ario dzulu.

Ayubu 21:22 Referans Kwoze

Arumi 11:34

Mana Maandiko ganaamba, “Takuna amanyaye maazo ga Mwenyezi Mlungu, wala ni ani awezaye kumshauri.”

1 Akorintho 2:16

Mana Maandiko ganaamba, “Ni ani amanyaye maazo ga Mwenyezi Mlungu, hata akale anaweza kumshauri?” Ela swiswi afuasi a Jesu, hunaaza dza viratu Masihi.

Juda 1:6

Piya mnamanya adisi ya malaika ambao alonda uwezo kuriko hura kala akahewa ni Mlungu, achiricha kuishi mlunguni ambako ni phatu phao pha asili. Mlungu waafunga jizani na silisili ambayo taindavuguka hadi ahukumiwe siku ya mwisho.

2 Petero 2:4

Hunatambukira kukala kpwakala na malaika ariohenda dambi, naye Mlungu kayaaricha. Waatsupha mohoni, ndani ya dibwa ra jiza ambamo waafunga silisili hadi siku ya chiyama.

1 Akorintho 6:3

Hebu tammanya kukala hundaamula malaika, na hata zaidi mambo madide-madide ga chila siku?

Isaya 45:9

Shakare iye ahehaye na muumbawe, iye ambaye ni dza chidzandzakaya kahi ya vidzandzakaya virivyo mtsangani. Vino ulongo unaweza kumuuza ye mfinyandziwe, ‘Unatengezani?’ Au kumuamba, ‘Kumanya kutengeza.’

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Zaburi 82:1

Mlungu akahala nafwasiye kahi za mkpwutano hiko mlunguni, analavya uamuli kahi-kahi ya milungu.

Ayubu 40:2

“Dze, ashindanaye na ye Mwenye Nguvu Zosi anaweza kumrekebisha? Ye ahehaye na Mlungu, iye naamjibu.”

Ayubu 36:22

Lola, Mlungu nkuhenda makulu kpwa uwezowe, ni ani awezaye kufundza dza iye?

Ayubu 35:11

anayehufundza zaidi kuriko nyama, na ahuhendaye hukale na ikima kuriko nyama a mapha?’

Ayubu 15:15

Ichikala Mlungu kakuluphira atakatifue, na ko mlunguni si kuswafi mbereze,

Ayubu 4:18

Ichikala Mlungu kaweza kuamini atumishie, na malaikae nkuatuluza makosa,

Ayubu 21:21

Anajali utu wani kuhusu atu aho bada ya aho kufwa, miezi yao ariyopangirwa ndiphosira?

Ayubu 36:23

Ni ani ariye mpangira ra kuhenda? Au ni ani awezaye kumuamba, ‘Ukahenda makosa?’ ”

Ayubu 38:3

Dzifunge nguwo zidine, ndakuuza maswali, nawe undanijibu.

Jeremia 23:18

Ela ni ani ariyekala kpwenye baraza ya Mwenyezi Mlungu kuelewa na kusikira aambavyo? Ni ani ariyephundza na kusikira nenore?