Ayubu 20:19 - Digo Bible

¹⁹ Mana akaonera achiya na kuaricha bila chitu, akahala kpwa nguvu nyumba ambazo kazidzengere.

Ayubu 20:19 Referans Kwoze

Ayubu 35:9

Kpwa sababu ya kuonerwa sana, atu nkurira, nkuririra msada kpwa go ahenderwago ni atu enye mkpwotse.

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Jakobo 5:4

Lolani! Mwarema kuripha atu ariokuhenderani kazi mwenu mindani. Nayo mishahara ambayo taiyariphiwa inakuririrani. Chiriro cha hinya avunadzi chamfikira Mwenyezi Mlungu, Mlungu wa majeshi.

Jakobo 2:13

Mana mutu yeyesi ambaye kandamuonera mbazi myawe, naye kandaonerwa mbazi. Ela uchionera mbazi ayao, naye Mlungu andakuonera mbazi siku ya chiyama.

Jakobo 2:6

Ela mwabera achiya. Mmanye kala matajiri ndio ambao nkukuonerani na kukuphirikani kotini.

Mika 2:9

Munaazola achetu a atu angu kula kpwenye nyumba zao nono, munaausira ana ao baraka zangu hata kare na kare.

Mika 2:2

Nkuaza minda na akaihala, akaaza nyumba na akazihala. Nkumuonera mutu na atu a nyumbaye, na nkufuta mutu urisiwe.

Ezekieli 22:29

Nyo asagalao kahi ya yo tsi anaonera atu na kuanyangʼanya; anaagayisa achiya na agayi, piya anahendera uyi ajeni na kualafya haki zao.

Sonono za Jeremia 3:34

Afungbwa osi a tsi anaphovyogbwa-vyogbwa,

Muhubiri 5:8

Usiangalale uchiona achiya anaonerwa na kulafiwa haki yao kpwenye tsi, mana chila ariye na cheo anatetewa ni mkpwulu wanjina ariye dzuluye, na dzulu ya aho osi kuna mkpwulu zaidi anayeahehera.

Muhubiri 4:1

Chisha nchiona kuonerana kurikokala kunaenderera phapha tsini ya dzuwa: naona chiriro cha atu aonerwao, nao kala taana mutu wa kuaterya mana arioanera kala ana nguvu kuashinda.

Zaburi 12:5

Ela Mwenyezi Mlungu anaamba, “Kpwa sababu achiya anaonerwa, na agayi anasononeka, ndaunuka, niaphahe usalama anaougodzera kpwa hamu.”

Zaburi 10:18

uahendere haki anachiya na anaoonerwa, ili mwanadamu ariyeumbwa kpwa ulongo asiweze kuaogofyera tsona.

Ayubu 22:6

Uwe wadai madeni kula kpwa nduguzo, na uchiafuta nguwo zao zikale mzamana, nawe uchiaricha chitsaha.

Ayubu 18:15

Tamundakala chirichoche mo mwakpwe hemani chibiriti chindatsamulwa dzulu ya makaloge.

1 Afalume 21:19

Nawe kamuambire Mwenyezi Mlungu anaamba, ‘Dze, ukaolaga mutu na ukamiliki maliye?’ Chisha umuambe: Mwenyezi Mlungu anaamba, ‘Phatu phara madiya garipholamba-lamba milatso ya Nabothi, ndipho gandipholamba-lamba milatsoyo.’ ”

Kumbukumbu 28:33

“Taifa usirorimanya rindahala mavuno gosi ga tsiiyo na matunda ga jashoro nawe undaonerwa na kuteswa siku zosi.

Zaburi 12:6

Ahadi za Mwenyezi Mlungu tazina ati-ati, ni swafi dza feza ichiyotsuswa na moho kano sabaa, dza feza ichiyotsuswa kano sabaa.

Amosi 5:11

Phahi kpwa sababu mkuonera achiya, na kuatoza kodi za mtsere, mwimwi mkadzenga nyumba za mawe ga kutsonga, ela tamundazisagala, mwaphanda minda minono ya mizabibu, ela tamundanwa uchiwe.

Amosi 5:12

Mana namanya vyo makosa genu garivyo manji, na vyo dambi zenu zirivyo kulu, mwimwi munaonera atu a haki na kuhala hongo, na kuzuwiya agayi asiphahe haki zao mo kotini.