5 Yo taa ya atu ayi inazimwa, na nyo mohowe taundangʼala.
Maisha ga enye haki gana mwanga na kuhererwa, ela maisha ga atu ayi gandazimwa dza taa.
Mana mutu mui kana matumaini ga badaye, na taa ya maishage indazimwa.
Mutu amlaniye ise au nine, maishage gandazimwa dza taa wakati wa chilungulungu cha jiza.
Taa za atu ayi waziona kano ngaphi zikazimwa? Nyo enye nkuphahwa ni mafwa? Kpwani Mlungu nkuatiya adabu wakati akaatsukirirwa?
Ela mwimwi mosi muasao moho, na kudzitengezera silaha za vimwindi mchivyoviasa, humirani mwanga wa moho wenu na wa vimwindi vyenu mchivyoviasa. Ela Mwenyezi Mlungu andasababisha nyo myoho wenu ukuangamizeni.
Nayo njira ya atu ayi ni dza chilungulungu cha jiza, taamanya akpwalacho.
kukala chitseko cha atu ayi ni cha muda mfupi, na kuhererwa kpwa asiomuogopha Mlungu ni kpwa muda tu.
Uwe unadzimwamula mwenye kpwa tsukizizo, Dze, yo dunia indarichwa kpwa sababuyo? Au mwamba undauswa phatuphe?
Ela atu ayi andakala dza bahari ichiyochafuka, ambayo taiweza kuhurira, na maimbige nkutuluza misuya na tope.
Ndiphokuolaga, ko mlunguni ndakufwinika na kutiya jiza nyenyezize. Dzuwa ndaribwiningiza na ingu, nao mwezi taundaala.
Iye kandachimbira ko jizani, dzuwa rindaihenda yo mitseye inyale, na pumuzi za Mlungu zindamphyera.
Matso ga shobo na moyo wa ngulu na mambo mai, gosi higo ni dambi.
