Ayubu 17:9 - Digo Bible

⁹ Ela wa haki andagbwira njiraye, na ye wa mikono swafi andazidi kuphaha nguvu.

Ayubu 17:9 Referans Kwoze

Misemo 4:18

Ela njira ya enye haki inaigana na mwanga wa chimirimiri, uzidio kungʼala hadi kufikira mutsi kamili.

Ayubu 22:30

Nkumuokola iye asiye na lawama, iye andakutivya kpwa kukala mikonoyo ni miswafi.”

Misemo 14:16

Mutu wa achili nkumuogopha Mlungu na kuricha mai, ela azuzu taana makini na taajali.

Zaburi 84:7

Anaenderera kuphaha nguvu zaidi na zaidi Mlungu mkpwulu kushinda milungu yosi andaonekana Sayuni.

Mwandzo 20:5

Burahimu mwenye waamba Sara ni nduguye naye Sara waamba dza vivyo. Neno hiri nárihenda na moyo mmwenga nami sina makosa.”

Zaburi 73:13

Kale nkahenda kazi ya bure kukala na roho swafi na kusahenda dambi?

Zaburi 26:6

Natsukutsa mikono kuonyesa sina makosa na kuzunguluka phatu pha kulavira sadaka, ee Mwenyezi Mlungu,

1 Johana 2:19

Hata dzagbwe atu hinyo ala mwehu kundini, ela kala sio ayawehu. Mana kala ni ayawehu, angekala asala naswi. Ela ariphotuluka amanyikana wazi kala sio ayawehu.

1 Petero 1:5

Majaliwa higa ni genu mwimwi ambao kuluphiro renu rinakuhendani mrindwe kpwa uwezo wa Mlungu, hadi mundiphotivywa kama Mlungu arivyopanga kuhenda siku ya mwisho.

Mariko 7:2

Phapho aona anafundzi a Jesu anarya bila ya kutsukutsa mikono.

Zaburi 84:11

Mana Mwenyezi Mlungu ni dzuwa na ni ngao, nkuhupendeleya na kuhujaliya ishima. Mwenyezi Mlungu kaalafya chochosi chiricho chinono hinyo ahendao garigo sawa.

Zaburi 24:4

Ni hiye ambaye kahenda mai na ana moyo swafi, ambaye kaabudu vizuka wala kuapa wakati anagomba handzo.

Jakobo 4:8

Msengerereni Mlungu naye andakpwedza phephi namwi. Mwimwi achina-dambi, richani mahendo genu mai! Na mwimwi murio na nia mbiri, lungani Mlungu moyo kutsuka!

Ayubu 31:7

Ichikala náricha njira ya sawa, nchiaphuka, na moyo wangu ukalunga tamaa za matso gangu, na ichikala mikono yangu ikakala najisi kpwa kuhenda dambi,

2 Samueli 3:1

Phahi viha kahi ya atu a Sauli na atu a Daudi vyadumu kpwa muda wa kutosha. Daudi achienderera kuimarika, ela nyumba ya Sauli yaenderera kukala nyonje.

Ayubu 27:5

Vino niambe kukala mwimwi mu sawa, hata! Mimi nindaamba sina makosa hata nifwe vivyo.

Ayubu 27:6

Nindagbwiririra haki yangu, nami sindaitsuhula, Sindadziona mkosa siku zosi za maisha gangu.

Ayubu 33:9

Uwe unaamba, ‘Mimi ni swafi, sina dambi, sina ila wala uyi.

Zaburi 11:3

Misingi ichibanangbwa, mwenye haki undahendadze?”

Zaburi 84:8

Ee Mwenyezi Mlungu, Mlungu wa majeshi, sikira mavoyo gangu, niphundza, uwe Mlungu wa Jakobo!

Misemo 10:25

Phuto rinaphotsupa atu ayi nkuphepheruswa, ela enye haki andadumu hata kare na kare.

Misemo 10:30

Enye haki taandangʼoka kula kpwenye tsi yao, ela atu ayi taandasala bii.