Ayubu 17:10 - Digo Bible

¹⁰ Ela mwimwi mosi, uyani, nami sindaphaha mutu wa ikima hata mmwenga kahi yenu.

Ayubu 17:10 Referans Kwoze

Ayubu 42:7

Bada ya Mwenyezi Mlungu kumuambira Ayubu maneno higa, achimuamba Elifazi kula Temani, “Uwe na nyo asenao airi mkanitsukiza, mana tamkagomba ukpweli kunihusu, dza mtumishi wangu Ayubu.

Ayubu 6:29

Nakuvoyani mugaluke, msihende uyi. Galukani, mana sina makosa.

1 Akorintho 6:5

Kpwa kpweli munahenda waibu! Dze, ikale mo mwenu kundini tamuna mutu hata mmwenga ariye na ikima ya kutosha kukukanyani mwimwi ndugu?

1 Akorintho 1:20

Kpwa hivyo huambedze kuhusu hara ambao ni alachu? Tsona huambedze kuhusu hara ambao anadziamba anamanya sana shariya za Chiyahudi, au atu a wakati hinyu ambao ni alachu a kugomba? Mlungu wahuonyesa kukala atu ambao ni alachu kulengana na ikima ya dunia hino ni ajinga kpweli.

Malaki 3:18

Na hipho ndipho mndiphoona tsona tafwauti kahi za ario na haki na ayi na tafwauti kahi za atu amuhumikirao Mlungu na asiomhumikira.”

Ayubu 32:9

Si utumia macheye umuhendesao mutu kukala na ikima, wala si atumia machiyao amanyao chiricho sawa.

Ayubu 17:4

Mana ukaziba achili zao zisielewe, kpwa hivyo kundaaruhusu ashinde.

Ayubu 15:9

Unamanya riphi husirorimanya? Na ni riphi hurimanyaro ambaro tariwazi kpwehu?

Ayubu 12:2

“Kpwa kpweli mwimwi ndimwi atu enye, mchifwa mwimwi, ikima nayo indasira.

Ayubu 17:11

Siku zangu zikasira, mipango yangu ikavundzika, vyo moyo wangu umendzavyo, vikakoseka.

Ayubu 18:3

Kpwa utu wani hunaolangbwa dza ngʼombe? Mbona unahuona dza azuzu?