Ayubu 16:9 - Digo Bible

⁹ Akanimwamula kpwa tsukizize, akanimena na kuningʼatira meno, adui wangu akanitumburira matso.

Ayubu 16:9 Referans Kwoze

Sonono za Jeremia 2:16

Maaduigo gosi gananahula kanwa zao chinyumecho, ana kubera na kusaga meno na kuamba, “Hukamuolaga! Hino ndiyo siku ambayo kala hunaigodzera vino hukaiona!”

Zaburi 35:16

Aenderera kuninyetera na kunikundzira sura kpwa usiru.

Ayubu 13:24

Kpwa utu wani unanifwitsira usoo, na kunihenda aduio?

Mahendo 7:54

Hara angambi ariphosikira hivyo, atsukirwa sana, achiphya roho kpwa utsungu.

Hosea 6:1

“Hebu ndzoni humuuyireni Mwenyezi Mlungu, mana wahumwamula-mwamula ela andahuphoza. Akahupiga hata akahutiya vironda, ela andahufunga mademu.

Zaburi 37:12

Mutu ahendaye mai nkumpangira njama mbii mutu wa haki na kumkundzira uso kpwa kummena.

Ayubu 19:11

Tsukizize zikaaka dza moho chinyume changu, na kuniolanga dza mmwenga wa maaduige.

Ayubu 18:4

Uwe unadzimwamula mwenye kpwa tsukizizo, Dze, yo dunia indarichwa kpwa sababuyo? Au mwamba undauswa phatuphe?

Mika 7:8

Usihererwe uwe adui wangu! Dzagbwe nkagbwa ndaunuka tsona, dzagbwe nsegere jizani, Mwenyezi Mlungu andakala mwanga wangu.

Hosea 5:14

Mana nindakala dza simba kpwa atu a Efuraimu na dza mwana simba kpwa atu a Juda. Ndaamwamula-mwamula vipande-vipande mimi mwenye, chisha niuke, nindaaguruta niphiye nao na taphana ndiyeweza kuativya.

Sonono za Jeremia 3:10

Kpwangu mimi iye ni dza dubu aoteaye, dza simba chiyedzifwitsa.

Zaburi 50:22

Gatiyeni manani gaga, mwi myalao Mlungu, sedze nikakumwamulani mkakosa mutu wa kukutivyani!

Ayubu 13:27

Unafunga magulu gangu gogoni, na kulola njira zangu zosi, na kutiya alama nyayo zangu ili unimanye ko ndikophiya.

Ayubu 30:21

Ukagaluka kukala msiru kpwangu, unanigayisa kpwa uwezoo.

Ayubu 33:10

Ela Mlungu akaona sababu ya kukosana na mimi, na kunihenda nkale aduiwe.

Ayubu 6:4

Mana nikalatswa ni iye Mwenye Nguvu Zosi, roho yangu ikakola yo sumuye Mlungu akapanga vitishovye chinyume changu.