Ayubu 16:10 - Digo Bible

¹⁰ Atu akanahula kanwa zao kunizemerera, akaniwanga makofi kpwa chibero, anadzikusanya phamwenga chinyume changu.

Ayubu 16:10 Referans Kwoze

Zaburi 35:15

Ela nriphodzikpwala, akusanyika kuno akahererwa, atu ayi nsioamanya adzikusanya chinyume changu, achinikatira bila ya kuricha.

Zaburi 22:13

Maadui gangu gakafwenula kanwa zao chinyume changu, dza simba angurumao wakati anamwamula-mwamula nyama.

Mahendo 23:2

Phapho hipho Anania, mlavyadzi-sadaka mkpwulu, walagiza atu okala aimire phephi na Paulo, amuwange kofi ra mromo.

Mika 5:1

Vivi kusanya majeshigo uwe mudzi uriye na majeshi manji, mana hukazangirwa. Aho andampiga fwimbo ya ndzeya mtawala wa Iziraeli.

Sonono za Jeremia 3:30

Na alavye ndzeyaye kpwa ye mpigi, na akale tayari kulaphizwa.

Isaya 50:6

Aho ariokala ananipiga naarichira mongomongo, na aho ariokala anamwafula nyere za cheru nchiarichira mafunda. Siyaafwitsira uso wangu ariokala ananifyorera na kunitehera mahe.

2 Akorintho 11:20

Kpwa kpweli mkuvumirira mutu yeyesi anayekuhendani atumwa, anayekufutani vitu vyenu, anayekuhegani, anayekuberani, hata anayekuwangani makofi.

1 Afalume 22:24

Zedekiya mwana wa Kenaana wamsengerera Mikaya, achimuwanga kofi ra ndzeya na achimuamba, “Ye Roho wa Mwenyezi Mlungu akatulukadze kpwangu ili edze agombe na uwe?”

Mahendo 4:27

Chisha achienderera kuvoya achiamba, “Mana, kpwa kpweli Herode, Pontio Pilato, Aiziraeli na atu asio Aiziraeli akutana phamwenga mumu mudzini kumpinga Jesu, mtumishio mwenye uriyemtsambula.

Johana 18:22

Ariphomala kugomba maneno higo, mrindzi mmwenga ariyekala aimire phephi naye wamuwanga kofi ra uso na achimuamba, “Vyo ndivyo ambavyo mutu anaweza kumjibu mlavyadzi-sadaka mkpwulu?”

Mathayo 26:67

Alafu amtehera mahe ga uso kuno anampiga, na anjina achimuwanga makofi,

Zaburi 94:21

Ao nkuungana ili aangamize maisha ga atu a haki, na kuamula atu asio na makosa aolagbwe.

Zaburi 35:21

Anamaka anaamba: “Aa! Aa! Hukamuona enye na matso gehu!”

2 Nyakati 18:23

Zedekiya mwana wa Kenaana wamsengerera Mikaya, achimuwanga kofi ra ndzeya na achimuamba, “Ye Roho wa Mwenyezi Mlungu akatulukadze kpwangu ili edze agombe na uwe?”

Ayubu 16:11

Mlungu akanitiya mikononi mwa enye dambi, na kunilavya kpwa atu ayi.

Ayubu 30:12

Likumundi ra atu rikaunuka kunipiga na kunilinga mgoi, ananihegera mihambo njirani ili niangamizwe.

Zaburi 3:7

Unuka ee Mwenyezi Mlungu! Nitivya ee Mlungu wangu! Wanga makofi maadui gangu, angʼole meno na uariche bila ya uwezo.

Sonono za Jeremia 2:16

Maaduigo gosi gananahula kanwa zao chinyumecho, ana kubera na kusaga meno na kuamba, “Hukamuolaga! Hino ndiyo siku ambayo kala hunaigodzera vino hukaiona!”

Zaburi 22:14

Mwiri wangu ukasirirwa ni nguvu, mifupha yangu yosi ikateguka. Nkakata tamaa, moyo wangu ukatsatsamuka avi ni mshumaa uakao.

Zaburi 56:6

Nkukutana akapanga na akanioteya, nkulolato gosi nihendago, kuno a tayari kuniolaga.