Ayubu 14:5 - Digo Bible

⁵ Siku za kuishi mwanadamu zapimwa, na isabu ya mieziye unayo uwe, na uchimuikira miphaka ambayo kaweza kuitsupa.

Ayubu 14:5 Referans Kwoze

Zaburi 39:4

“Ee Mwenyezi Mlungu, nimanyisa mwisho wangu, na isabu ya siku zangu ili nimanye vira maisha gangu garivyo mafupi.

Mahendo 17:26

Mlungu waumba chila taifa duniani kula kpwa mkare mmwenga, na achiahenda agote chila phatu dunia ndzima. Wapanga chimbere chila kabila ndiphosagala na mudawe.

Aeburania 9:27

Na dza viratu ambavyo ni lazima anadamu osi afwe limwenga na badaye ahukumiwe,

Ayubu 12:10

Uzima wa chila chiumbe u mwakpwe mkpwononi, na mphuye wa anadamu osi.

Zaburi 104:29

Uchivilozera kogo, vinaogopha; uchiviusira pumuzi, vinafwa, na kuuya mtsangani virikola.

Ayubu 21:21

Anajali utu wani kuhusu atu aho bada ya aho kufwa, miezi yao ariyopangirwa ndiphosira?

Luka 12:20

Ela Mlungu achimuamba, ‘U mpumbavu uwe! Rero usiku undafwa. Sambi, vyo vitu vyodziikira akiba, vindakala vya ani?’ ”

Danieli 5:26

Mana ya maandishi ni hino: MENE, Mlungu akaolanga siku za utawalao na kuzikomesa.

Zaburi 104:9

Uchigaikira mphaka ambao tagaweza kuuvuka, ili gasibwiningize dunia tsona.

Danieli 4:35

Osi asagalao duniani taaonewa dza chitu, naye nkuhenda amendzavyo kahi ya viumbe vya mlunguni na kahi ya viumbe vya duniani. Taphana awezaye kumpinga wala kumuuza, “Ukahendani?”

Ayubu 14:14

Dze, mutu achifwa anaweza kuuya moyo tsona? Mutu mimi ningegodzera, siku zosi za utumishi wangu, hata wakati wangu wa kuvugulwa ukafika.

Ayubu 7:1

Mwanadamu ana kazi ngumu phapha duniani! Nazo sikuze ni dza za mchibaruwa!

Maono 3:7

Chisha achiamba, “Hiye malaika wa kundi ra afuasi hiko Filadelifia muandikire hivi: ‘Mimi ndiye wa haki na wa kpweli, tsona ndiye ariye na funguwo za Daudi. Nchifunga mryango takuna avugulaye, na nchivugula takuna afungaye. Hebu phundzani nagokuambirani!

Danieli 5:30

Usiku uho Belishaza, mfalume wa Kalidayo achiolagbwa.

Maono 1:18

Phundza, mimi ndimi uzima! Kala nkafwa ela vino ni mzima hata kare na kare! Na ndimi nriye na funguwo za Chifo na kuzimu.

Danieli 11:36

“Ye mfalume andahenda amendzavyo; andadziunula na kudzikarya kukala iye ni mkpwulu kutsupa milungu yosi. Iye andagomba mambo ga kumkufuru ye Mlungu mkpwulu kushinda milungu yosi. Iye andaenderera kuongokerwa hadi Mlungu ndiphomtiya adabu. Mana garigopangbwa ni Mlungu lazima gatimiye.

Danieli 9:24

“Muda wa miaka mirongo sabaa kano sabaa ukaikpwa kpwa ajili ya atuo na kpwa ajili ya mudzio mtakatifu, ili kukomesa uasi, dambi, kutakasa uyi na kureha haki hata kare na kare, kutiya muhuri unabii wa ruwiya na kupakpwa mafuha pho Phatu Phatakatifu Zaidi.

Zaburi 31:15

Maisha gangu ga mwako mikononi, nikombola kula kpwa maadui gangu na hinyo anaonigayisa.

Zaburi 139:16

Uwe waniona kabila sidzangbwekamilika. Siku zangu zosi urizonipangira, zaandikpwa mwako chitabuni kabila taidzangbwekalako hata mwenga.

Muhubiri 3:2

kuna wakati wa kuvyalwa na wakati wa kufwa, wakati wa kuphanda na wakati wa kuvuna,

1 Samueli 26:10

Daudi achienderera kuamba, “Naapa kpwa Mwenyezi Mlungu ariye hai, kukala Mwenyezi Mlungu mwenye andampiga, au sikuye ya kufwa indafika, au andaphiya vihani akafwerere kuko.

Ayubu 16:22

Mana miaka michache indatsapa, nindaphiya charo ambacho tachiuywa.

Muhubiri 8:8

Takuna mutu ariye na uwezo wa kuzuwiya roho isituluke; takuna mutu ariye na uwezo kuhusu siku ya kufwa. Wakati wa viha vivyo, takuna kuchimbira, wala uyi tauweza kutivya mutu auhendaye.