Ayubu 13:24 - Digo Bible

²⁴ Kpwa utu wani unanifwitsira usoo, na kunihenda aduio?

Ayubu 13:24 Referans Kwoze

Ayubu 19:11

Tsukizize zikaaka dza moho chinyume changu, na kuniolanga dza mmwenga wa maaduige.

Sonono za Jeremia 2:5

Mwenyezi Mlungu akakala dza adui, iye akabomola-bomola Iziraeli. Akabomola-bomola madzumbage gosi, akahenda ngomeze zosi zikale gandzo, chisha akamuenjerezera Juda chiriro na sonono.

Zaburi 13:1

Ee Mwenyezi Mlungu undaniyala hata rini? Dze, undaniyala hata kare na kare? Undanilozera kogo hadi rini?

Isaya 8:17

Ndamgodza Mwenyezi Mlungu na kumkuluphira iye bahi, iye ambaye akalozera kogo chivyazi cha Jakobo.

Zaburi 88:14

Haya, mbona unanirema Mwenyezi Mlungu? Mbona unalola kanda usinione?

Zaburi 44:24

Mbona unahulozera kogo? Mbona unayala kukala hunagaya na hunaonerwa.

Ayubu 33:10

Ela Mlungu akaona sababu ya kukosana na mimi, na kunihenda nkale aduiwe.

Kumbukumbu 32:20

Achiamba hivi, “Nindakufwitsani uso wangu nione mwisho wenu undakaladze. Mana mwimwi mu chivyazi chinachohenda mai, anache asiokala na uaminifu wowosi.

2 Athesalonike 3:15

Hata hivyo msimuhende kala ni adui, ela mkanyeni dza myawenu.

Zaburi 10:1

Ee Mwenyezi Mlungu, mbona ukaima kure? Kpwa utu wani unadzifwitsa wakati swino hu tabuni?

Ayubu 31:35

Kalapho phangekala mutu wa kuniphundza! (Naweza kutiya saini kpwa chila neno nrirogomba!) Ye Mwenye Nguvu Zosi naanijibu mashitaka anagonilavira gangeandikpwa.

Ayubu 30:21

Ukagaluka kukala msiru kpwangu, unanigayisa kpwa uwezoo.

Ayubu 16:9

Akanimwamula kpwa tsukizize, akanimena na kuningʼatira meno, adui wangu akanitumburira matso.

Ayubu 10:2

Nindamuambira Mlungu, ‘Usinihukumu, ela nihenda nimanye ro kosa unaronishitakira.’

1 Samueli 28:16

Hipho Samueli wamuamba, “Napho Mwenyezi Mlungu akakuricha na akakala mvihao, mbona phahi unaniuza mimi?

Ayubu 19:22

Mbona munanigayisa dza vyo Mlungu anigayisavyo? Kpwa utu wani tamtosheka na mwiri wangu?

Ayubu 10:16

Niunulapho chitswa tu, uwe ukuniindza dza simba, na kuonyesa tsona uwezoo wa ajabu chinyume changu.

Ayubu 10:17

Chila wakati unanirehera mashaidi maphya chinyume changu, unazidi kunitsukirirwa, nawe unanirehera maadui maphya.

Zaburi 44:25

Hukazamiswa hadi photsi mtsangani, miri yehu ikagbwirana na photsi.