Ayubu 13:12 - Digo Bible

¹² Maneno genu ga ikima ni dza misemo isiyo mana dza ivu, na maneno genu ga kudzihehera ni dza ngome za ulongo.

Ayubu 13:12 Referans Kwoze

2 Akorintho 5:1

Mana hunamanya kukala vibanda hivi husagalamo hipha duniani, yani miri yehu, vichibanangbwa, swiswi hundakala na nyumba zanjina kula kpwa Mlungu, yani miri miphya. Nyumba hizo zindadumu hata kare na kare hiko mlunguni mana tazidzengbwa ni anadamu.

Isaya 26:14

Aho afwa na taandafufuka tsona, mana uwe waangamiza kpwenye uamulio nao andayalwa tsetsetse.

Misemo 10:7

Mwenye haki andatambukirwa na mahendoge manono, ela mutu mui andayalwa tsetsetse.

Zaburi 109:15

Mwenyezi Mlungu naatambukire dambi zao siku zosi, na aho enye naayalwe kabisa duniani.

Zaburi 102:12

Ela uwe, ee Mwenyezi Mlungu, unatawala ta kare na kare, dzinaro rinatambukirwa ni vivyazi vyosi.

Zaburi 34:16

Uso wa Mwenyezi Mlungu u chinyume cha ahendao mai, ili aahende asitambukirwe tsona duniani.

Ayubu 18:17

Takuna ndiye mtambukira duniani, na dzinare tarindahadzwa mo njira-njira.

Ayubu 4:19

dze, nyo asagalao nyumba za ulongo ambao misingi yao i mtsangani awezao kuolagbwa chirahisi dza popho?

Kutsama 17:14

Chisha Mwenyezi Mlungu achimuamba Musa, “Dzambo hiri chirohendeka rero riandike chitabuni, ili rikale kumbukumbu kpwa atu. Tsona hakikisha Joshuwa akasikira kukala nindaangamiza Aamaleki duniani hata ayalwe tsetsetse.”

Mwandzo 18:27

Burahimu achijibu achiamba, “Hai, Mwenyezi Mlungu, kpwa kukala jasiri wa kugomba nawe dzagbwe mimi ni vumbi tu.

Mwandzo 2:7

Mwenyezi Mlungu achiumba mwanadamu kula vumbini, achimvuvurira pumuzi za uzima pulani na yuya mutu achikala chiumbe chiricho moyo.

Ayubu 13:11

Dze, nyo ukuluwe taundakuogofyerani? Dze, kandakutishirani?

Ayubu 13:13

Nyamalani, nirichani nigombe, ganiphahe ndigoniphaha.

Ayubu 27:1

Ayubu waenderera kugomba achiamba,

Ayubu 29:1

Phahi Ayubu achienderera kugomba achiamba,

Ayubu 21:34

Kpwa hivyo mundaniphozadze marenda na maneno gasigo na mana? Majibu genu tagana kpweli, ni handzo tu.”