Ayubu 12:7 - Digo Bible

⁷ Ela uzani nyama, nao andakufundzani, na nyama a mapha andakuambirani.

Ayubu 12:7 Referans Kwoze

Isaya 1:3

Ndzau inamanya anayeifuga na punda anamanya chidau atiirwacho chakurya ni ye amfugaye, ela Aiziraeli taamanya, atu angu taaelewa.”

Misemo 6:6

We mvivu! Phiya ukalole tsungutsungu, karirikane njiraze ili uphahe ikima.

Jeremia 8:7

Hata manjera anamanya wakati wa kutsama; na njiya, mberya na mariro, nkulunga majira gao ga kuuya; ela atu angu taamanya zo amuri zangu mimi Mwenyezi Mlungu.

Arumi 1:20

Mana hangu mwandzo wa dunia, Mlungu waumba chila chitu kpwa njira ambayo hata dzagbwe atu taamuona, anaweza kuelewa vira arivyo. Hasa vitu arivyoumba vinaonyesa kukala Mlungu ana uwezo hata kare na kare, na ndiye Mlungu macheye, wala takuna wanjina. Ndiyo mana atu taaweza kudai kukala taammanya Mlungu.

Ayubu 12:6

Makalo ga anyangʼanyi gana amani, na nyo amchokozao Mlungu a salama, aho atsukulao mlungu wao mwao mikononi.

Ayubu 12:8

Gombani na dunia, nayo indakufundzani, na ngʼonda a baharini, andakusemurirani.

Mwandzo 1:21

Ndipho Mlungu achiumba madzinyama makulu ga baharini na chila aina ya chiumbe chikalacho madzini na chila aina ya nyama wa mapha. Naye Mlungu achiona kukala vivyo ni vinono.

Mwandzo 1:25

Mlungu achiumba nyama a tsakani a chila aina, nyama a kufuga a chila aina na viumbe vihambalavyo photsi vya chila aina. Mlungu achiona kukala vivi ni vinono.

Ayubu 8:10

Ikale taandakufundza na kukuambira? Ikale taandagomba garigo mwao mioyoni?

Misemo 30:24

Kuna viumbe vine duniani virivyo vidide ela vina ikima nyinji sana: