Ayubu 12:4 - Digo Bible

⁴ Mimi kala nchimvoya Mlungu ananijibu ela nkakala chitseko cha atu, ananitseka dzagbwe ni wa haki bila ya lawama.

Ayubu 12:4 Referans Kwoze

Zaburi 91:15

Achiniiha, nami nindamuihikira, achikala tabuni, nindakala phamwenga naye, nindamuokola, naye andaishimiwa.

Ayubu 30:1

Ela vivi ananibera, aho ambao ni adide angu, atu ambao ise zao náaona taafwaha hata kuimirira madiya garindago chaa changu.

Ayubu 21:3

Nivumirirani, nami nigombe, na bada ya kugomba, zidini kunibera.

Ayubu 17:6

Mlungu akanihenda nikale wa kutsekpwa ni atu, nikakala mutu wa kutsitsirwa mahe.

Ayubu 17:2

Kpwa kpweli afyozi akanizangira, dzitso rangu rinalola vyo aninyeteravyo.

Ayubu 16:10

Atu akanahula kanwa zao kunizemerera, akaniwanga makofi kpwa chibero, anadzikusanya phamwenga chinyume changu.

Aeburania 11:36

Anjina azemererwa na kuchapwa milawa. Anjina nao afungbwa silisili na kutiywa jela.

Mahendo 17:32

Atu ariphosikira habari za kufufuka, anjina amtseka, ela anjina achiamba, “Badaye, hunalonda wedze uhueleze zaidi kuhusu mambo higa.”

Luka 16:14

Mafarisayo ariphosikira hivyo, amzemerera Jesu, kpwa sababu ni atu a kumendza pesa.

Mariko 5:40

Atu achimtseka, ela ye achiatuluza kondze osi. Chisha achihala ise na nine a yuya mwanache na hara ariokala naye, achiinjira chumbani mokala akalazwa.

Mathayo 27:29

Tsona achisuka chiremba cha miya, achimvwika chitswani, na achimuikira mlawa mkpwonowe wa kulume. Achichita mavwindi mbereze, achimnyetera achimuamba, “Mfalume wa Ayahudi! Kala na maisha mare!”

Mika 7:7

Ela mino ninamlola Mwenyezi Mlungu, ndamgodza Mlungu muokoli wangu, Mlungu wangu andasikira chiriro changu.

Jeremia 33:3

Niiha nami ndaihika, nami ndakuonyesa mambo makulu garigofwitsika ambago kudzangbwegamanya.

Misemo 14:2

Mutu alungaye njira ya sawa anamuogopha Mwenyezi Mlungu, ela mutu alungaye njira mbaya anabera Mlungu.

Zaburi 35:16

Aenderera kuninyetera na kunikundzira sura kpwa usiru.

Ayubu 16:20

Asena angu ananibera, ela matso gangu ganammwagira Mlungu matsozi.

Ayubu 11:3

Dze, cho chibakocho chihende atu anyamale? Na uberapho atu, usitiywe waibu?

Ayubu 6:29

Nakuvoyani mugaluke, msihende uyi. Galukani, mana sina makosa.

Mathayo 9:24

achiaamba, “Ukani hipha! Mana hiyu msichana kafwere, arere tu.” Ela hara atu achimtseka.

Ayubu 9:21

Dzagbwe sina lawama, maisha nagaona tagana mana, nabera maisha gangu.

Ayubu 12:5

Iye ariye na maisha ga raha nkubera aho ario na tabu kpwao tabu nkuphahwa ni hara aherezao.

Ayubu 13:18

Lolani nikadzitayarisha kudzihehera, ninamanya kukala ni ndaisabiwa kukala sina lawama.

Ayubu 30:9

Vivi ana aho ananitunga wira wa kunibera, nikakala ndzimo ya kunyeterana kahi yao.

Ayubu 34:7

Ni ani ariye dza Ayubu, ambaye kuhenda uyi kpwakpwe ni dza kunwa madzi?

Jeremia 20:7

Ee Mwenyezi Mlungu wanichenga, nami nchichengeka; uwe una nguvu kunishinda nawe ukaniturya. Atu anasinda dii kunitseka, chila mutu ananibera.