Ayubu 11:6 - Digo Bible

⁶ angekuambira siri za ikima, mana ikimaye ni nyinji. Chisha umanye kukala Mlungu akakutiya adabu chidide kuriko irivyostahili.

Ayubu 11:6 Referans Kwoze

Ezira 9:13

“Gaga gachigohuphaha ni kpwa sababu ya mahendo gehu mai na makosa gehu, alafu Mlungu wehu, adabu uriyohupha ni ndide kulengana na go makosa gehu garivyofwaha kutiywa adabu, chisha ukahusaza.

Sonono za Jeremia 3:22

Huchere moyo kpwa sababu ya mendzwa ya Mwenyezi Mlungu isiyosika, mbazize tazina mwisho,

Aefeso 3:5

Hangu kare Mlungu waika mpangowe siri, wala takuna yeyesi yeumanya. Ela badaye wahumira Rohowe kumanyisa mitumee na manabiige matakatifu.

Mathayo 13:35

Higa gahendesa Maandiko gatimiye gaambago: “Nindagomba namwi kpwa kuhumira ndarira. Nindaeleza mambo garigofwitswa hangu dunia iriphoumbwa.”

Danieli 2:28

Ela kuna Mlungu ko mlunguni ambaye nkuika wazi siri, naye akammanyisa mfalume Nebukadineza mambo ndigohendeka siku zedzazo. Vivi ndakuambira ndosoyo na ruwiyayo iriyokpwedzera mwako chitswani uriphokala urere mwako chitandani.

Ayubu 15:8

Dze, wasikira mashauri ga siri ga Mlungu? Kpwani unaona ikima ni yako macheyo?

Danieli 2:47

Mfalume achimuamba Danieli, “Kpweli Mlungu wenu ni Mlungu mkpwulu kushinda milungu yosi na Bwana wa afalume, na anaweza kuika wazi siri, mana ukaweza kuika wazi siri ya ndoso ihi.”

Zaburi 25:14

Mwenyezi Mlungu ni msenangbwa wa hara amuogophao na nkuafundza chilaganeche.

Ayubu 15:11

Dze, ko kuhurizwa uhurizwako ni Mlungu ni kudide? Au ko kukala anagomba nawe kpwa upore takutosha?

Ayubu 15:5

Mana uyio unafundza kanwayo, nawe ukutsambula gara gagombwago ni ajanja.

Ayubu 9:4

Iye ana ikima na ni mwenye nguvu ni ani ariyepigana naye na achishinda?

Kumbukumbu 29:29

“Mambo ga siri ni ga Mwenyezi Mlungu, Mlungu wehu, ela gara ambago gakaikpwa wazi ni gehu na ana ehu hata kare na kare, ili hugbwire maneno gosi ga shariya hino.”

Zaburi 103:10

Iye kahutiya adabu sawa-sawa na dambi zehu, wala kahuriphiza kadiri ya mahendo gehu mai.

Ayubu 28:28

Naye achigomba na mwanadamu achimuamba, ‘Kumuogopha Mwenyezi Mlungu, ndicho chandzo cha ikima, na kudzitenga na uyi ndiko kuelewa.’ ”

Ayubu 11:5

Kalapho Mlungu angegomba, kalapho angefwenula kanwaye akakujibu,

Ayubu 12:13

Mwenye ikima na uwezo ni Mlungu, iye ana ushauri na ujuzi.

Ayubu 22:5

Nyo uyio ni mkpwulu, na dambizo tazina mwisho!

Ayubu 33:12

Lola, kpwa riri uwe una makosa, mana Mlungu ni mkpwulu kuriko mwanadamu.