Ayubu 11:19 - Digo Bible

¹⁹ Uwe undalala na taphana ndiye kuondosa, na anji andakuendza uaterye.

Ayubu 11:19 Referans Kwoze

Isaya 60:14

Ana alume a nyo ariokugayisa andakpwedza phako maguluni akusujudiye, osi ariokubera andakugbwerera maguluni, nao andakuiha “Mudzi wa Mwenyezi Mlungu, Sayuni, mudzi wa Mtakatifu wa Iziraeli.”

Zaburi 45:12

Atu a mudzi wa Tiro andakurehera zawadi, matajiri andadzipendekeza kpwako.

Maono 3:9

Phundzani! Hara afuasi a Shetani ko sinagogini, ambao anadziamba ni Ayahudi na mbavi sio, ana handzo, phahi nindaahenda edze akugbwerereni maguluni. Aho osi andamanya kala nakumendzani.

Isaya 45:14

Mwenyezi Mlungu anaamba hivi, “Utajiri wa Misiri na vitu vya kula Kushi vindakala vyako, nao Aseba, atu ario are, andakulunga, nao andakala ako, andakulunga kuno akafungbwa silisili. Andakusujudiya na akuvoye aambe, ‘Kpwa kpweli Mlungu a phamwenga nawe, na takuna Mlungu wanjina.’

Misemo 19:6

Atu anji nkudzipendekeza kpwa akulu, na chila mutu ni msena wa mutu alavyaye zawadi.

Alawi 26:6

Nindakuphani amani kpwenye tsi ili muweze kulala bila kutishirwa ni yeyesi. Nindausa nyama asiru kpwenye tsi yenu nayo taindakala na viha tsona.

Ayubu 11:18

Kpwa kpweli undakala salama, mana undakala na tumaini, undarindwa na kuoya salama.

Zaburi 4:8

Wakati nchidziambalaza nkulala kpwa amani, mana uwe, Mwenyezi Mlungu, macheyo ndiwe unihendaye nikakala salama.

Zaburi 127:2

Ni kazi ya bure kurauka ligundzu na kulala kuchelewa, na kuphaha chakurya kpwa tabu. Mana Mlungu nkuatimizira mahitaji ga anaoamendza na kuapha usingizi mnono.

Misemo 3:24

Ulalapho, kundakala na hofu, undaphaha usingizi mnono.

Isaya 17:2

Midzi inayozunguluka Aroeri indakala wekee bila atu nayo indakala weru wa kurisa vyaa vya mangʼondzi na taphana ndiyegaogofyera.

Mika 4:4

Ela chila mmwenga andasagala tsini ya mzabibuwe na muhiwe wa mtini, na takuna ndiyeaogofyera, mana Mwenyezi Mlungu, Mlungu wa majeshi akagomba.

Zefania 3:13

Nyo Aiziraeli ndiosala taandahenda mai na taandagomba handzo, mana takundakala na mutu wa handzo kahi yao. Andarisa na kulala salama na takuna yeyesi ndiyeaogofyera.”

2 Nyakati 20:30

Phahi ufalume wa Jehoshafati wahurira kpwa mana Mlunguwe wamupha amani chila uphande.

Ezekieli 34:28

Vitu vyao tavindahalwa zewe tsona ni mataifa wala kuriwa ni nyama a tsakani, nao andaishi salama na taphana ndiyeaogofyera.