Arumi 7:21 - Digo Bible

²¹ Phahi mino námanya chitu, chila nchilonda kuhenda manono, nadziona ninahenda mai.

Arumi 7:21 Referans Kwoze

Arumi 7:23

Ela naona kala vilungo vya mwiri wangu vinalongozwa ni shariya yanjina, yani shariya ya dambi. Iyo shariya inapingana na maazo gangu, na kunihenda mtumwa hata nashindwa kuhenda gara Mlungu alondago.

Aeburania 2:17

Kpwa hivyo yabidi akale dza nduguze kpwa chila njira ili akale mlavyadzi-sadaka mkpwulu ariye na mbazi na uaminifu katika kumuhumikira Mlungu. Na kpwa njira hiyo, waweza kulavya sadaka kuusira atu dambi zao.

Arumi 8:2

Mana, kpwa sababu ya Masihi Jesu, mwaikpwa huru msitawalwe ni dambi irehayo chifo. Mwaphokera Roho Mtakatifu alavyaye uzima wa kare na kare, na ndiye anayekuikani huru.

Arumi 6:14

Kpwa kukala tamlondwa kulunga Shariya tsona, dambi taindakuwezani, mana Mlungu wakuswameheni dambi zenu.

Arumi 6:12

Kpwa hivyo musiriche dambi ikatawala miri yenu ifwayo, ili ikuhendeni mlunge tamaa mbii za miri yenu.

Zaburi 119:133

Nilongoza kama urivyolaga kulengana na nenoro, usiriche uyi wowosi ukanitawala.

2 Petero 2:19

Nkulavya ahadi za handzo kuhusu uhuru wa chiroho kuno nyo enye ni atumwa a ndzimo mbii ambazo zinaangamiza. Mana mutu nkuhendwa mtumwa ni chochosi ambacho chinamtawala.

Aeburania 4:15

Mana mlavyadzi-sadaka wehu mkpwulu anaelewa unyonje wehu. Naye piya wajezwa kpwa chila njira ni Shetani dza vivyo sisi, ela kayahenda dambi.

Johana 8:34

Ndipho achiaambira, “Nakuambirani kpweli, mutu yeyesi aishiye maisha ga dambi ni mtumwa wa dambi.

Zaburi 119:37

Rinda matso gangu gasilunge mambo gasigo mana, tundza maisha gangu sawa-sawa na nenoro.

Luka 4:1

Jesu wauya na uwezo mkpwulu wa Roho Mtakatifu kula muho Joridani, na achilongozwa ni Roho hadi weruni,

Zaburi 65:3

Makosa gehu gachihuzidiya uwe unahuswamehe.

Zaburi 40:12

Mana nkazungulukpwa ni mashaka gasigoolangika, dambi zangu zikanizidi ni nyinji kuriko isabu ya nyere zangu, nami nkavundzika moyo.