Arumi 7:12 - Digo Bible

¹² Phahi ni wazi kala Shariya na malagizoge gala kpwa Mlungu mwenye, kpwa hivyo ni manono na ga haki.

Arumi 7:12 Referans Kwoze

1 Timothi 1:8

Phahi hunamanya kala Shariya za Musa ni nono zichilungbwa na kuhumirwa viratu Mlungu alondavyo.

Zaburi 119:137

Ee Mwenyezi Mlungu, Uwe u wa haki, na uamulio ni wa sawa.

Arumi 7:14

Hunamanya kala Shariya zalaviwa ni Roho Mtakatifu; ela asili yangu ni ya chibinadamu, nami náguzwa nikale mtumwa wa dambi.

Zaburi 119:172

Lilimi rangu rindaimba kuhusu nenoro, mana malagizogo gosi ni ga haki.

Arumi 3:31

Phahi, huchisisitiza kukuluphira, huambe hizi Shariya tazina mana? Hata chidide! Ko kukuluphira ni kutimiza malagizo gosi ga Shariya.

Nehemia 9:13

“Watserera dzulu ya mwango Sinai, uchigomba na atuo kula mlunguni. Uchiapha malagizo ga haki, shariya za kpweli na amuri nono.

Kumbukumbu 10:12

“Sambi, uwe Iziraeli, Mwenyezi Mlungu, Mlunguo analonda umuogophe, ulunge njiraze zosi, ummendze na umuhumikire kpwa moyoo wosi na kpwa rohoyo yosi.

Kumbukumbu 4:8

Wala taphana taifa ranjina rorosi hata rikale kulu namuna yani, renye shariya na malagizo ga haki, dza higo ambago nkakuphani siku hino ya rero.

Zaburi 119:140

Ahadizo zinakuluphirika, nami mtumishio nazimendza.

Zaburi 119:127

Mana mino namendza malagizogo kuriko zahabu, tsona kuriko zahabu swafi.

Zaburi 119:38

Nitimizira ahadi uriyonilaga mimi mtumishio, ahadi ya hara akuogophao.

Arumi 12:2

Msiige tsona mambo gahendwago ni atu a dunia hino, ela Mlungu akugaluzeni mwenu mioyoni mkale na maazo maphya. Hipho ndipho ndiphomanya hakika Mlungu amendzavyo; dzambo nono na ra sawa rimhamiraro.

Arumi 7:16

Ichikala nahenda nisigogamendza, inaonyesa kala nakubali kala Shariya ni nono.

Zaburi 119:86

Malagizogo gosi ni ga kukuluphirika, niterya mana atu ananigayisa bila chausa!