Arumi 3:11 - Digo Bible

¹¹ Takuna mutu yeyesi amanyaye njira za Mlungu, wala takuna amuendzaye.

Arumi 3:11 Referans Kwoze

Zaburi 53:2

Mlungu analola anadamu kula mlunguni aone napho phana yeyesi mwenye ikima amuendzaye Mlungu.

Tito 3:3

Mana kare swiswi hwakala azuzu, asiosikira na ariochengbwa. Hwakala atumwa a tamaa mbii-mbii na anasa za chila aina, hwaishi maisha mai ga wivu; atu ahureyera naswi huchiareyera.

Hosea 4:6

Atu angu anaangamika kpwa kukosa marifwa. Kpwa kukala mwakahala marifwa, mimi nami nkakukahalani mkale alavyadzi-sadaka angu. Kpwa sababu mwayala shariya za Mlungu wenu, nami piya nindayala ana enu.

Arumi 8:7

Kpwa mana atu aazao kuhenda mai anamrema Mlungu, wala taaweza kulunga Shariya za Mlungu hata chidide.

Jeremia 4:22

“Mwenyezi Mlungu achiamba, atu angu ni azuzu, taanimanya tse; Aho ni anache azuzu, asiomanya rorosi. Atu aho ni anamanya kuhenda mai, ela kuhenda manono taamanya.”

Isaya 65:1

“Nákala tayari kujibu mavoyo ga atu angu, ela taanivoyere, nákala tayari anione, ela taniendzere. Aho ni taifa ambaro tarinivoyere dzagbwe naamba, ‘Himi hipha, himi.’

Isaya 55:6

Muendzeni Mwenyezi Mlungu, wakati achere phahikana, muiheni wakati achere phephi.

Isaya 31:1

Shaka hiro kpwa hinyo anaotserera kuphiya Misiri kpwendavoya msada, hinyo anaoadamira farasi a viha. Anaoadamira magari gao ga kuvwehwa ni farasi kpwa kukala anajeshi akuhumira farasi ana mkpwotse, badala ya kumuadamira Mtakatifu wa Iziraeli, au kuvoya msada kpwa Mwenyezi Mlungu.

1 Johana 5:20

Piya hunamanya kala Mlungu wahuma Mwanawe, naye wakpwedzahumanyisa Mlungu wa kpweli. Phahi swiswi hu phamwenga na Mlungu wa kpweli, na hu phamwenga na Mwanawe Jesu Masihi. Iye ni Mlungu wa kpweli, na ndiye arehaye uzima wa kare na kare.

Arumi 1:28

Tsona, atu hinyo arema ilimu ya kpweli kuhusu Mlungu, ndipho naye Mlungu achiaricha alunge maazo gao mai. Nao achihenda mambo ambago tagafwaha kuhendwa.

Arumi 1:22

Enye adzikarya kala ni alachu, ela akala azuzu.

Mathayo 13:19

Mutu asikirapho neno kuhusu ufalume wa Mlungu na asiuelewe, ni kukala Shetani akedza akahala chira chophandwa mwakpwe moyoni. Hinyu ni mfwano wa mbeyu yogbwa njirani.

Hosea 7:10

Na kudzikarya kpwa Aiziraeli ni ushaidi chinyume chao, ela phamwenga na gago, taamuuyira Mwenyezi Mlungu, Mlungu wao, wala kumuendza.

Isaya 27:11

Pandaze ndizouma zindavundzwa, achetu andazihala azihende kuni. Kpwa kpweli atu hano taaelewa, kpwa hivyo muumba wao kandaaonera mbazi wala kuaswamehe.

Isaya 9:13

Ela hinyo atu ariotiywa adabu taadzangbwetubu na kumuuyira hiye ariyeapiga, wala kumuendza Mwenyezi Mlungu, Mlungu wa majeshi.

Misemo 1:22

“Mwi msiomanya! Mnalonda kusamanya hadi rini? Na mwi enye chibero, mundamendza kubera hata rini? Namwi apumbavu! Mundazira marifwa hadi rini?

Misemo 1:7

Kumuogopha Mwenyezi Mlungu ndicho chandzo cha marifwa, ela azuzu nkubera ikima na adabu.

Zaburi 94:8

Mwi azuzu kuriko atu osi! Mwi apumbavu, mundakala rini na ikima?

Zaburi 53:4

Dze, ano ahendao mai, ni taaelewa? Aho aryao atu angu dza aryavyo mkpwahe, na taamuiha Mlungu?

Arumi 3:10

Gago ga sawa na Maandiko ga Mlungu gaambago: “Takuna mutu wa haki, takuna hata mmwenga.

Arumi 3:12

Atu osi amricha Mlungu wala taana mana tsona phakpwe matsoni. Takuna hata mmwenga ahendaye manono, hata taphana hata mmwenga.”