Amosi 9:3 - Digo Bible

³ Hata akadzifwitsa dzulu ya mwango Karimeli, chisha nindaaendza na niatuluze kula kuko. Hata achadzifwitsa tsini ya bahari ili nisiaone, nindalagiza dzoka kuko rikaaondze.

Amosi 9:3 Referans Kwoze

Jeremia 16:16

“ ‘Mwenyezi Mlungu anaamba, “Nindaphirika avuvi anji akagbwire atu aha. Chisha nindaphirika akala anji, aindze kula chila mwango na chidzango na kula mafwitso ga panga za mawe.

Isaya 27:1

Siku iyo Mwenyezi Mlungu andahumira upangawe uryao, mkpwulu na wa nguvu, kumtiya adabu nyoka aihwaye Leviathani, nyoka iye aambalaye upesi. Naye andariolaga rira dzoka rikalaro baharini.

Ayubu 34:22

Taphana jiza au chilungulungu cha jiza, ambacho chinaweza kufwitsa atu ayi.

Amosi 1:2

Amosi achiamba, “Mwenyezi Mlungu andaruruma kula Sayuni, andanguruma dza chiguruguru kula Jerusalemu; na weru wa kurisa arisa gandauma, na chirere cha mwango Karimeli chindanyala.”

Mwandzo 3:8

Iriphofika dziloni amsikira Mwenyezi Mlungu ananyendeka mo mundani. Yuya mutu na mchewe achidzifwitsa kahi ya mihi mo mundani ili Mwenyezi Mlungu asiaone.

2 Samueli 22:46

Ajeni avundzika moyo, achituluka kula mwao ngomeni kuno anakakama.

Ayubu 22:13

Ela we ukuamba, ‘Mlungu anamanya utu wani? Dze, anaweza kuamula kahi ya chilungulungu cha jiza?

Zaburi 68:23

Ili magulu genu gaoge milatso ya aviha enu na madiya genu gailambe kumvuna kama mtalo wao.”