Amosi 8:9 - Digo Bible

⁹ Mwenyezi Mlungu anaamba, “Siku iyo ndahenda dzuwa ritswe mutsi, na kuhenda tsi ikale jiza wakati wa mutsi.

Amosi 8:9 Referans Kwoze

Mariko 15:33

Kala ni kama saa sita za mutsi, na kpwakala na jiza tsi ndzima hadi saa tisiya.

Mathayo 27:45

Kpwakala na jiza tsi ndzima kula saa sita za mutsi hadi saa tisiya.

Luka 23:44

Kala ni kama saa sita za mutsi, na kpwakala na jiza tsi ndzima hadi saa tisiya.

Jeremia 15:9

Iye ariyevyala ana sabaa andafwa purungire na kukata roho. Andatswererwa ni dzuwa wakati kuchere mutsi, akagbwizwa haya na kuangalala. Nyo ndiosala ndaaolaga na upanga mbere za maadui gao, mimi Mwenyezi Mlungu nkaamba.’ ”

Mathayo 24:29

“Phahi bada ya siku za mateso kusira tu, dzuwa rindakala jiza, na mwezi taundangʼala. Nyenyezi zindagbwa kula dzulu, na nguvu za dzulu mlunguni zindasumbiswa.

Mika 3:6

Kpwa hivyo mundakala na usiku usio na ruwiya mwedzerwe na jiza msiweze kutabiri. Dzuwa rindakutswererani nyo manabii na mutsi undakala jiza kpwao.

Amosi 5:8

Muendzeni iye ariyetengeza Chirimira na Rambo iye ahendaye chilungulungu cha jiza chikakala ligundzu, na kuhenda mutsi kukala usiku iye aihaye madzi ga bahari, akagamwaga tsi kavu, dzinare ni Mwenyezi Mlungu.

Isaya 13:10

Nyenyezi zosi za mlunguni tazindangʼala tsona, dzuwa richituluka tarindangʼala na mwezi nao taundaala.

Ayubu 5:14

Aho nkuona jiza mutsi, na kuphaphasa mutsi avi ni usiku.

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Maono 8:12

Naye malaika wa ne ariphopiga gundare, seemu ya dzuwa, ya mwezi na ya nyenyezi zapigbwa. Hizo seemu za dzuwa, mwezi na nyenyezi zopigbwa taziyaala. Hipho seemu ya mutsi yakosa mwanga na seemu ya usiku nayo ichikosa mwanga.

Maono 6:12

Chisha nchiona ye Mwana ngʼondzi anagandula hura ukaka wa sita. Phahi tsi yasumba sana, na dzuwa richigaluka rangi richikala dziru pipipi dza makala. Mwezi uchikala kundu dododo dza mlatso

Jeremia 13:16

Mupheni nguma Mwenyezi Mlungu, Mlungu wenu kabila takudzangbwekala jiza, kabila kudzangbwekpwala vidzango virivyo jizani. Na wakati munaendza mwanga iye andaugaluza ukale jiza-jiza na ro jiza-jiza arihende rikale chilungulungu cha jiza.

Ezekieli 32:7

Ndiphokuolaga, ko mlunguni ndakufwinika na kutiya jiza nyenyezize. Dzuwa ndaribwiningiza na ingu, nao mwezi taundaala.

Zakariya 14:7

Kundakala mutsi kpwenderera (Siku iyo inamanywa ni Mwenyezi Mlungu). Takundakala na mutsi wala usiku kama kawaida mana hata dziloni kundakala na mwanga.