Amosi 6:8 - Digo Bible

⁸ Mwenyezi Mlungu akaapa kpwa kudzihadza mwenye Mwenyezi Mlungu, Mlungu wa majeshi anaamba, “Natsukizwa ni ngulu za atu a Jakobo na kumena madzumba gao. Nami ndaulavya nyo mudzi wao na vyosi virivyo mumo kpwa maadui gao.”

Amosi 6:8 Referans Kwoze

Amosi 4:2

Mwenyezi Mlungu akaapa kpwa utakatifuwe kuamba, “Kpwa kpweli siku ziredza, mndiphogurutwa na viloo, hata ye wa mwisho andagbwirwa na viloo vya kulowera ngʼonda.

Jeremia 51:14

Mwenyezi Mlungu, Mlungu wa majeshi akaapa kpwa dzinare: Nindareha atu anji akuvamie dza ndzije uwe Babeli. Nao andapiga njerejere za ushindi dzuluyo.

Amosi 8:7

Ye Mwenyezi Mlungu waapa kpwa nguma ya Jakobo achiamba, “Kpwa kpweli sindayala mahendo gao gosi.

Zaburi 47:4

Wahutsamburira tsi hino ikale urisi wehu, ambayo atu a chivyazi cha Jakobo amendzwaye ni Mlungu, adziunule.

Amosi 3:11

Kpwa hivyo, Mwenyezi Mlungu anaamba, “Maadui gandazunguluka pande zosi za tsi, nao andausa urindzio, na kuhala zewe mo mwenu ngomeni.”

Jeremia 22:5

Ela msiphosikira maneno gaga, mimi Mwenyezi Mlungu naapa kpwa dzina rangu kukala nyumba ihi indakala gandzo.’

Zaburi 106:40

Tsukizi za Mwenyezi Mlungu zichiakira atue, achiatsukirirwa sana nyo ariokala urisiwe,

Zakariya 11:8

Mimi náusa arisa a hahu ndani ya mwezi mmwenga, mana siyaavumirira nao achikala akanimena.

Ezekieli 24:21

Aambire Aiziraeli, ‘Mwenyezi Mlungu anaamba hivi: Lola, ni phephi kuphanajisi phatu phangu phatakatifu ambapho phana kuhendani mdzikarye, phatu ambapho munaphamendza na phana hamira matso genu. Chisha ana enu a chilume na a chichetu ariorichwa andaolagbwa na upanga.

Sonono za Jeremia 2:5

Mwenyezi Mlungu akakala dza adui, iye akabomola-bomola Iziraeli. Akabomola-bomola madzumbage gosi, akahenda ngomeze zosi zikale gandzo, chisha akamuenjerezera Juda chiriro na sonono.

Zaburi 78:59

Mlungu ariphoona, achitsukirwa sana, achikahala Iziraeli tsetsetse.

Zaburi 50:12

Ningekala na ndzala, nisingekuambira uwe mana dunia na vyosi virivyo himu ni vyangu.

Kumbukumbu 32:19

Mwenyezi Mlungu waona dzambo hiro, achikuremani; kpwa sababu ya kutsukizwa ni anae alume na achetu.

Alawi 26:30

Ndabananga mwatu mwenu mwa dzulu mwa kuabudu, nibomole mwatu mwenu mwa kufukizira uvumba, na kutsupha nyufu zenu dzulu ya vizuka vyenu visivyokala na uhai, nami nindakumenani kabisa.

Alawi 26:11

Nindaika makalo gangu kahi yenu, wala sindakurichani.

Mwandzo 22:16

achimuamba, “Mwenyezi Mlungu anaamba hivi, ‘Naapa kpwa dzina rangu mwenye, kpwa kukala ukahenda hivyo na kukaniremeza mwanao wa macheye,

Jeremia 12:8

Atu angu mwenye akanigalukira ananingurumira dza simba ko tsakani; kpwa hivyo naamena.

Jeremia 44:26

Ela sikirani neno ra Mwenyezi Mlungu, mwimwi atu a Juda msagalao tsi ya Misiri: Mwenyezi Mlungu anaamba, lola, nikaapa kpwa dzina rangu kulu, kukala takuna hata mmwenga kahi ya atu a Juda ndiyeapa kpwa dzina rangu kuamba, ‘Dza Mwenyezi Mlungu aishivyo.’

Jeremia 49:13

Mana nkaapa kpwa dzina rangu, Mwenyezi Mlungu anaamba, kukala mudzi wa Bosira undakala gandzo, utu wa kutisha, wa kuberwa na ndzimo ya kulanira. Nayo midziye indakala magandzo hata kare na kare.”

Hosea 11:6

Kundagbwa viha kpwenye midzi yao, vindavundza-vundza maryango makulu na magbwamage ga kufungira, na kubananga mipango yao.

Amosi 3:10

Mwenyezi Mlungu anaamba, “Taamanya kuhenda haki aho atu aikao mali mwao ngomeni arizoziphaha kpwa kuhumira fujo.”

Amosi 5:21

“Mimi Mwenyezi Mlungu namena na kubera zo sikukuu zenu, na sifwahirwa ni mikutano yenu.

Amosi 8:3

Mawira gaimbwago nyumba ya kuvoya Mlungu ko Betheli gandagaluka gakale chiriro siku iyo,” Mwenyezi Mlungu anaamba. “Nyufu zindakala nyinji, nazo zindaenea chila phatu. Takuna sauti ndiyosikirika!”

Misemo 8:13

Kumuogopha Mwenyezi Mlungu ni kuzira uyi, mino názira ngulu na shobo, tabiya mbii na maneno mai.

Isaya 28:1

Shaka hiro kpwa alevi a Efuraimu enye ngulu; hinyo ambao unono wao ni dza maruwa ndigo nyala, maruwa gophandwa dete renye rutuba, dzulu ya vilongozi achiogbwa photsi kpwa a tele uchi.

Jeremia 22:14

Iye aambaye, ‘Ndadzenga dzumba kulu ra gorofa ririro na vyumba vikulu vyenye nafwasi, nivitiye madirisha na nifwinike kutaze na mbao za muerezi chisha niipake rangi ya kundu.’