Amosi 5:8 - Digo Bible

⁸ Muendzeni iye ariyetengeza Chirimira na Rambo iye ahendaye chilungulungu cha jiza chikakala ligundzu, na kuhenda mutsi kukala usiku iye aihaye madzi ga bahari, akagamwaga tsi kavu, dzinare ni Mwenyezi Mlungu.

Amosi 5:8 Referans Kwoze

Amosi 4:13

Kpwa mana lolani, iye atengezaye myango na kuumba phepho ahendaye mwanadamu akamanya maazoge iye ahendaye ligundzu kukala na jiza, na kuvyoga mwatu mwa dzulu mwa tsi, dzinare ni Mwenyezi Mlungu, Mlungu wa majeshi.

Ayubu 9:9

Iye ariyeumba nyenyezi ziihwazo Dubu na Orioni, Chirimira na nyenyezi za mwakani zikaleko.

Amosi 9:6

iye adzengaye gorofaye ko dzulu mlunguni, na kuika misingiye phapha duniani; iye ndiye aihaye madzi ga bahari, na kugamwaga dzulu ya tsi, Mwenyezi Mlungu ndiro dzinare.

Amosi 8:9

Mwenyezi Mlungu anaamba, “Siku iyo ndahenda dzuwa ritswe mutsi, na kuhenda tsi ikale jiza wakati wa mutsi.

Zaburi 104:20

Ukuhenda jiza, nako kukakala usiku, na nyama osi a tsakani akatuluka.

Zaburi 105:28

Wahuma jiza kpwenye yo tsi, ela Amisiri achirema kulunga manenoge.

Ayubu 12:22

Iye nkuika wazi mambo garigo jizani, na kuhenda garigo kpwenye chilungulungu cha jiza gakale mwangani.

Luka 1:79

Undaangʼarira atu ario jizani, ambaro ni dalili ya chifo, na undahuelekeza maisha ga salama.”

Mathayo 4:16

Dzagbwe atu enu anaishi jizani, andaona mwanga mkpwulu. Tsona dzagbwe anaishi tsi ya chilungulungu cha jiza ra chifo, mwanga ukaangʼarira.”

Isaya 59:10

Hunaphaphasa kuta dza chipofu, hunakpwala mutsi, avi ni usiku. Kahi-kahi ya enye nguvu, swiswi hu dza nyufu.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Ayubu 38:34

Dze, unaweza kukota likululu rikafika mainguni, ili ubwiningizwe ni mafuriko ga madzi?

Ayubu 37:13

Mlungu nkuhenda higa duniani, ili kutiya atu adabu, au kuonyesa mendzwaye.

Jeremia 16:21

“ ‘Kpwa hivyo lola, kano ihi ndaafundza, amanye nguvu na uwezo wangu, chisha andamanya kukala dzina rangu ndimi Mwenyezi Mlungu.’ ”

Jeremia 33:2

“Mimi Mwenyezi Mlungu nriyeumba tsi na nchiihenda ikale nono, dzina rangu ndimi Mwenyezi Mlungu.