Amosi 5:15 - Digo Bible

¹⁵ Menani mai na mmendze manono na muhakikishe haki inalungbwa mwenu makotini mendzerepho Mwenyezi Mlungu, Mlungu wa majeshi, andaonera mbazi atu a Yusufu ariosala.

Amosi 5:15 Referans Kwoze

Arumi 12:9

Amendzeni ayawenu chikpweli-kpweli. Richani kuhenda mai kabisa, ela mdine kuhenda manono di yosi.

3 Johana 1:11

Msena wangu Gayo, usimuige hiye mutu mui. Ela iga tabiya za atu anono. Mutu yeyesi ahendaye mambo manono ni mwana wa Mlungu. Ela yeyesi ahendaye mambo mai kamanya Mlungu.

Joeli 2:14

Ni ani amanyaye? Iye anaweza kugaluza nia na akakuonerani mbazi na akakujaliyani na mavuno hata mkaweza kumlavira Mwenyezi Mlungu, Mlungu wenu, sadaka za mtsere na za uchi wa zabibu.

Zaburi 97:10

Ammendzao Mwenyezi Mlungu naazire mai, iye nkurinda maisha ga atakatifue, na kuaokola kula mikononi mwa atu ayi.

Arumi 8:7

Kpwa mana atu aazao kuhenda mai anamrema Mlungu, wala taaweza kulunga Shariya za Mlungu hata chidide.

Mika 5:3

Kpwa hivyo Mwenyezi Mlungu andaaricha Aiziraeli mikononi mwa maadui gao hadi ndiphodzivugula hiye mchetu ariye na utsungu. Alafu ndugu za ye mwana, ariosala kpwenye tsi ya maadui gao andauya adziunge na Aiziraeli ayawao.

Kutsama 32:30

Siku ya phiri Musa waambira Aiziraeli, “Mkahenda dambi kulu sana. Ela phahi nindauya hiko dzulu mwangoni kpwa Mwenyezi Mlungu na labuda andanikubali akuswameheni dambi zenu.”

Jona 3:9

Mana Mlungu alala macheye, anaweza kugalukpwa ni moyo akahuonera mbazi na akakala kandahuangamiza kama arivyopanga.”

Amosi 5:24

Ela uamuli wa haki ujere dza madzi, na haki dza muho usiouma.

Zaburi 36:4

Nkupanga mai hata pho phakpwe chitandani gosi akusudiyago ni mai naye kaaza kuricha kuhenda mai.

1 Afalume 20:31

Atumishie achimuamba, “Lola, phahi, hukasikira kukala Afalume a Iziraeli ana mbazi. Phahi nahuvwale magunia vibiruni na hudzifunge kowa singoni, huphiye kpwa mfalume wa Iziraeli. Labuda andativya maishago.”

Arumi 7:22

Shariya za Mlungu zinanihamira sana mwangu moyoni.

Mika 2:12

Kpwa kpweli ndakukusanyani phamwenga mwimwi atu a Jakobo. Ndaakusanya phamwenga atu a Iziraeli achiosala. Ndaareha phamwenga dza mangʼondzi kpwenye chaa, dza mifugo phao marisani, napho phandakala na atu anji.

Amosi 6:12

Dze, farasi anaweza kuzola dzulu ya gamba? Ama mutu kurima na ngʼombe baharini? Ela mwimwi munaolafya atu haki zao kpwa kusalunga shariya, na matunda ga haki kukala dza muhi wa utsungu,

Amosi 5:10

Mwimwi nkummena aamuli aaminifu mo kotini, na nkutsukirirwa mashaidi agombao kpweli.

Amosi 5:6

Muendzeni Mwenyezi Mlungu mkale moyo, sedze akavamia tsi ya Iziraeli dza moho, ndioocha Betheli na takundakala na mutu wa kuuzimya.

Jeremia 31:7

Mana Mwenyezi Mlungu anaamba, “Muimbireni Jakobo na raha, rikotereni kululu ro taifa kulu kuriko gosi. Tangazani, mtogole muambe, ‘Mwenyezi Mlungu akativya atue atu asereo a Iziraeli.’

Zaburi 119:104

Kutsupira malagizogo ninaphaha ufahamu, kpwa hivyo nazira chila njira mbii.

Zaburi 37:27

Richa uyi uhende manono nawe undasagala kpwenye yo tsi hata kare na kare.

Zaburi 34:14

Richa mai, uhende manono, endza amani na usiiriche.

2 Afalume 19:4

Chahi Mwenyezi Mlungu, Mlunguo, wasikira maneno gosi ga mkpwulu wa jeshi ambaye wahumwa ni bwanawe mfalume wa Ashuru, kumkufuru Mlungu ariye moyo, naye Mwenyezi Mlungu, Mlunguo andamdemurira kpwa ajili ya maneno achigosikira. Voyera nyo ariosala.’ ”

2 Afalume 15:29

Wakati wa utawala wa Peka mfalume wa Iziraeli, Tigilathi-Pileseri, mfalume wa Ashuru, wateka midzi ya Ijoni, Abeli-Bethi-Maaka, Janoa, Kedeshi na Hazori, phamwenga na tsi za Giliadi, Galilaya na Nafutali na kuatsamiza enyezie kuaphirika Ashuru.

2 Afalume 13:7

Jehoahazi kayasarirwa ni anajeshi, ela wakala na anajeshi akuhumira farasi mirongo mitsano, magari kumi ga kuvwehwa ni farasi na anajeshi akunyendeka na magulu elufu kumi tu. Yakala hivyo kpwa sababu mfalume wa Aramu kala akaangamiza makundi ga anajeshi a Iziraeli na kugavyoga-vyoga photsi dza mavumbi.

2 Samueli 16:12

Chahi Mwenyezi Mlungu andalola mai gachigoniphaha, naye andaniripha manono kpwa ajili ya lana ninayolaniwa rero.”

Zaburi 80:1

Huphundze uwe mrisa uroromaye Aiziraeli uwe ulogozaye chivyazi cha Yusufu dza mifugo uwe ambaye chihicho cha ufalume chi dzulu ya makerubi, onyesa mwangao,

Danieli 2:49

Danieli wamvoya mfalume aahende Shediraka, Meshaki na Abedinego kukala aimirizi a mambo gosi ga jimbo ra Babeli, ela Danieli achisala dzumbani mwa mfalume.

Amosi 7:3

Mwenyezi Mlungu achigaluza nia kuhusu gaga, achiamba, “Tagandahendeka.”

Jona 1:6

Phahi mphiriki wa iyo meli achendamuona Jona hiko ndani arere achimuamba, “We hata urere tse! Haya unuka uvoye, chahi Mlunguo andahuonera mbazi ahutivye.”

Zefania 2:3

Muendzeni Mwenyezi Mlungu mwi atu anyenyekevu murio kpwenye tsi, mlungao amurize. Hendani haki na mnyenyekee nkuhenda mkaepuka kutiywa adabu siku iyo ya tsukizi za Mwenyezi Mlungu.

Malaki 3:18

Na hipho ndipho mndiphoona tsona tafwauti kahi za ario na haki na ayi na tafwauti kahi za atu amuhumikirao Mlungu na asiomhumikira.”

Jeremia 18:8

Alafu taifa hiro richigaluka na kuricha uyiwe, phahi nindaricha kurihendera mai nrigopanga kurihendera.

Jeremia 22:3

Mwenyezi Mlungu anaamba kukala muhende ga haki na garigo sawa. Mteryeni achiyetiywa mikononi mwa atu ayi achiomuiyira malize. Musiahendere mai ajeni, anachiya na magungu wala msimwage mlatso wa mutu asiye na makosa kahi ya tsi ihi.

Ezekieli 45:9

“Mwenyezi Mlungu anaamba hivi: Vinatosha mwi akulu a Iziraeli! Komesani fujo na kuonera, na mkahukumu kpwa haki. Richani kuausa atu angu kula kpwenye tsi yao, Mwenyezi Mlungu anaamba.

Mika 3:2

Mwimwi muriozira manono na kumendza mai, mwimwi munaoyula ngozi atu angu na kuusa nyama mwao mifuphani.