Amosi 2:13 - Digo Bible

¹³ Kpwa hivyo, ndakufyehani dza rukpwama chirosindirirwa mtsere.

Amosi 2:13 Referans Kwoze

Isaya 1:14

Mimi namena sikukuu zenu za kulumbwa kpwa mwezi, na sikukuu zenu zoikpwa. Zizo zikakala dza mzigo na nkaremwa kuzitsukula.

Malaki 2:17

“Mkamremweza Mwenyezi Mlungu na higo maneno genu. Ela mwi munauza, ‘Ni maneno gani huchigomremweza nago?’ Mkamremweza kpwa kuamba, ‘Mwenyezi Mlungu anamendza ahendi a mai osi tsona anamuhamira.’ Au kpwa kuuza, ‘Ye Mlungu ahendaye haki a kuphi.’”

Ezekieli 16:43

Kpwa sababu kuyatambukira siku za usichanao ela wanitsukiza kpwa kuhenda mai gosi higa, nindadziriphiza kpwa dambizo, Mwenyezi Mlungu anaamba. Kpwa utu wani go mambogo mai urigohenda wagaenjereza na kuzinga?

Ezekieli 6:9

Ndiphokala kuko kahi za mataifa ganjina chikohalwa mateka, andanitambukira na vira ambavyo anitsukiza kpwa kusakala aaminifu na kuniricha mana matso gao gafwahirwa ni vizuka. Nao andadzimena kpwa go mai gosi na mambo ga kutsukiza arigohenda.

Isaya 43:24

Kuyanigurira marashi au kunimvunisa na marunya ga sadakazo, ela ukanitsukuza na dambizo na kuniremweza na uyio.

Isaya 7:13

Alafu Isaya achiamba, “Sambi niphundzani mwimwi atu a chivyazi cha Daudi! Dze, vyo vyakuremweza atu tavitosha hata vino mnalonda muremweze Mlungu wangu?”

Zaburi 78:40

Amkosera adabu kano ngaphi amuasi ko weruni na achimsononesa ko jangbwani?

Mwandzo 37:7

Nkaloha hu mundani hunafunga mabutsa, gafula butsa rangu rikaunuka rikaima, genu gakarizunguluka rira rangu na gakarizamira kuripha ishima.”

Isabu 7:3

areha sadaka zao mbere za Mwenyezi Mlungu. Sadaka hizi kala ni marukpwama sita garigobwiningizwa na ndewa kumi na mbiri za kugavweha, yani chila chilongozi ndewa mwenga-mwenga na rukpwama mwenga kpwa chila vilongozi airi. Nao avireha mbere za ro hema.

Ayubu 39:12

Dze, unamuamini akurehere mtsereo na aukusanye phatu pha kuwagira?