Alawi 26:4 - Digo Bible

⁴ nindakureherani mvula kpwa wakatiwe, tsi ivyale mavuno, na mihi ivyale matunda.

Alawi 26:4 Referans Kwoze

Zakariya 8:12

‘Mana atu andaphanda kpwa amani, mizabibu indavyala matundage, tsi indalavya mavuno na mlunguni kundalavya manena. Nindaapha atu aha ariosala vitu hivi vyosi vikale vyao.

Zaburi 67:6

Tsi indavyala mavunoge, mana Mlungu wehu wahujaliya.

Ezekieli 36:30

Nindahenda matunda ga mihini na mavuno ga mindani gakale manji, ili msiphahe waibu kahi za mataifa kpwa sababu ya ndzala.

Isaya 30:23

Mwenyezi Mlungu andahenda mvula inye kpwa ajili ya mbeyu zenu mchizophanda. Minda yenu indavyala mtsere munji na mifugo yenu indaphaha nyasi nyinji za kurisa.

Ayubu 5:10

Iye ndiye ahendaye tsi ikaphaha mvula, na ahendaye madzi gakafika mindani.

Kumbukumbu 28:12

Mwenyezi Mlungu andakuvugurirani hazinaye nono kula mlunguni na kureha mvula kpwenye tsi kpwa wakatiwe na kubariki kazi zenu. Mundaapasa mataifa manji, ela mwimwi tamundaaphaswa.

Kumbukumbu 11:14

iye andaipha tsi yenu mvula kpwa wakatiwe, mvula za mwaka na mvula za vuri namwi mundavuna nganu yenu, uchi wa zabibu zenu na mafuha genu.

Alawi 25:21

Mwaka wa sita ndabariki tsi yenu nayo indavyala mavuno ga kukutoshani kpwa miaka mihahu.

Mahendo 14:17

ela kadzangbwericha kuonyesa atu kala a kuko, mana nkuhenda manono. Nkukureherani mvula kula mlunguni na mavuno wakati wa sawa. Piya nkukuphani vyakurya vya kutosha na raha mwenu mioyoni.”

Mathayo 5:45

ili mkale dza Sowe yenu ariye mlunguni. Mana nkuhenda dzuware riangʼarire atu anono na ayi, na mvula ikanya kpwa atu a haki na asio haki.

Zaburi 85:12

Ee, Mwenyezi Mlungu andahurehera mambo manono, nayo tsi yehu indalavya mavuno manji.

Zaburi 68:9

Uwe Mlungu wahenda mvula inye nyinji tsi yosi, waihenda tsi yiuyize nguvu wakati kala ikatsakala.

Maono 11:6

Hara mashaidi airi ana uwezo wa kuzuwiya mvula isinye wakati anatabiri. Na wakati wowosi ndiotaka, anaweza kugaluza madzi kukala mlatso na kureha mashaka ga aina yoyosi himu duniani.

Jakobo 5:7

Phahi enehu, vumirirani hadi Bwana Jesu ndiphouya. Hebu lola mkurima agodzeravyo mimea ya mwakpwe mundani hadi ndiphovyala mavuno ga samani! Tsona nkuvumirira kugodza mvula ya vuri na mwaka.

Jeremia 14:22

Dze, kahi ya yo milungu ya mataifa ganjina kuna anayeweza kureha mvula? Au ko mlunguni kunaweza kureha mvula kpwenye? Uwe macheyo ndiwe uwezaye, ee Mwenyezi Mlungu, Mlungu wehu! Uwe ndiwe kuluphiro rehu, mana uwe ndiwe uhendaye gaga gosi.

Isaya 5:6

Ndauricha ukale vuwe, taundatsatsulwa wala kurimwa, undamera vikpwata na miya. Piya ndaamuru maingu gasinye mvula dzuluye.

Zaburi 104:13

Ukuhuma mvula kula mlunguni ikanya dzulu ya myango, nayo tsi ikatosheka na matunda ga kaziyo.

1 Afalume 17:1

Phahi Elija kula chidzidzi cha Tishibi ko Giliadi wamuambira mfalume Ahabu, “Kama Mwenyezi Mlungu, Mlungu wa Iziraeli aishivyo, Mlungu ambaye namuhumikira, takundakala umande wala mvula miaka hino michache yedzayo hadi ndiphogomba.”

Alawi 25:19

Namwi mundarya na kumvuna mavuno ga yo tsi na msagale salama mumo.

Kumbukumbu 11:13

“Phahi, mchilunga amuri zangu ninazokuphani rero, mchimmendza Mwenyezi Mlungu, Mlungu wenu na kumuhumikira kpwa mioyo yenu yosi na kpwa roho zenu zosi,

Zaburi 67:7

Mlungu naenderere kuhujaliya; atu a dunia ndzima amuogophe.

Zaburi 85:13

Haki indamtanguliya Mlungu na kumtengezera njira.

Joeli 2:22

Mwi nyama a tsakani, msiogophe, mana hiko weruni kundakala tele nyasi mbitsi. Mihi inavyala matunda mizabibu na mitini inavyala kpwa unji tsona.