Alawi 25:35 - Digo Bible

³⁵ “Napho Muiziraeli myao akakala mchiya hata kaweza kudziendzera mwenye na asagala phamwenga nawe, ni umrorome dza unavyororoma mjeni au mutu asagalaye kpwako kpwa muda, ili aweze kpwenderera kusagala kahi yenu.

Alawi 25:35 Referans Kwoze

Luka 6:35

Ela amendzeni maadui genu na ahendereni manono. Aaphaseni wala msikale na tamaa ya kuriphiwa. Namwi mundatuzwa vinono na mundakala ana a Mlungu wa Uwezo wosi. Mana Mlungu nkuaonera mbazi atu asioshukuru na ayi.

1 Johana 3:17

Mutu achikala na mali himu duniani, na aone mfuasi myawe ni mgbwayi kana chitu, ela asimuonere mbazi, kpwa kpweli mutu hiye kaweza kuamba ana mendzwa ya Mlungu mwakpwe moyoni.

Mahendo 11:29

Afuasi akata shauri chila mmwenga atsange chochosi kulengana na uwezowe kuterya afuasi ayawao okala anaishi Judea.

Misemo 14:31

Atu aonerao achiya anamlaphiza Muumba wao, ela atu aoteryao achiya anamuishimu Mlungu.

Zaburi 112:9

Anaganya vituvye moyo kutsuka kuganyira achiya, hakiye inadumu hata kare na kare, andakala na nguvu nyinji na ishima.

Zaburi 112:5

Manono gandamwedzera iye ariye na mbazi na aaphasaye atu, ahendaye mamboge kpwa njira ya haki.

Zaburi 41:1

Baha mutu amanyiriraye mchiya, mana Mwenyezi Mlungu andamuokola wakati wa tabu.

Zaburi 37:26

Wakati wosi analavya moyo mmwenga na kuaphasa anjina na anae andakala baraka.

Aeburania 13:2

Tsona musiriche kukaribisha ajenio osi mwenu madzumbani, mana anjina ariohenda hivyo akaribisha malaika bila kumanya.

Agalatia 2:10

Chitu arichosisitiza kala ni kuaterya afuasi achiya a Jerusalemu, dzambo ambaro kala nina moyo naro.

2 Akorintho 9:1

Takuna haja ya mimi kukuandikirani baruwa kuhusu msada unaolaviwa kpwa ajili ya atu a Mlungu hiko Jerusalemu.

2 Akorintho 8:9

Mana mnamanya mbazi za Bwana wehu Jesu Masihi. Hata dzagbwe kala ni tajiri, ela waricha utajiri wosi na achikala mchiya kpwa ajili yenu, ili kpwa kutsapira uchiyawe, mwimwi mphahe kukala matajiri.

Arumi 12:20

Kpwa hivyo chila mmwenga naahende dza Maandiko gaambavyo: “Ichikala mvihao ana ndzala, muphe chakurya arye, na achikala ana chiru, muphe madzi anwe. Mana uchihenda vivyo, undakala avi ukamhika makala ga moho.”

Arumi 12:18

Hendani rorosi muwezaro msagaleto na atu osi.

Arumi 12:13

Ariye na vitu, naaterye afuasi ayae ario na haja, na kuphokera vinono ajeni mwenu madzumbani.

Johana 12:8

Siku zosi, agayi mundakala nao, ela mino sindakala namwi siku zosi.”

Mariko 14:7

Mana siku zosi, agayi mundakala nao, namwi munaweza kuaterya wakati wowosi mmendzao. Ela mino sindakala namwi siku zosi.

Mathayo 25:35

Mana nákala na ndzala namwi mchinipha chakurya, nákala na chiru namwi mchinipha madzi ga kunwa, nákala mjeni namwi mchinikaribisha.

Misemo 19:17

Mutu amteryaye mchiya anamuaphasa Mwenyezi Mlungu, naye Mwenyezi Mlungu andamripha kpwa achirorihenda.

Misemo 17:5

Mutu anyeteraye mchiya analaphiza Muumba wa hiye mchiya na ahererwaye napho myawe akafikpwa ni mashaka andatiywa adabu.

Alawi 25:25

“Napho Muiziraeli myawenu akakala mchiya na kuguza mundawe, phahi, mʼbariwe wa phephi ni aukombole.

Alawi 19:34

Hinyo ajeni asagalao namwi aharireni dza enyezi na muamendze dza vira munavyodzimendza enye, kpwa sababu mwimwi piya mwakala ajeni hiko tsi ya Misiri. Mimi, ndimi Mwenyezi Mlungu, Mlungu wenu.

Kutsama 23:9

Musiahendere ajeni mai, mana mwimwi namwi kala mu ajeni kahi za tsi ya Misiri na mnamanya ujeni urivyo.

Kutsama 22:21

Musiahendere mai ajeni, wala kuaonera, mana mwimwi namwi mwakala ajeni kpwenye tsi ya Misiri.

Kutsama 22:25

Uchimuaphasa mchiya kahi za atu angu, muaphase kare tu, wala usimtake fwaida dza vira aguzi a pesa ahendavyo.

Kumbukumbu 23:19

“Unaphoaphasa Muiziraeli myao usilonde fwaida, ikale ni mkopo wa feza, chakurya, au chochosi ambacho atu nkukopesha kpwa kuphaha fwaida.

Nehemia 5:1

Chisha kuchituluka manungʼuniko manji kula kpwa atu na achetu aho kuhusu ndugu zao Ayahudi.

Kutsama 22:24

nindatsukirwa na nikuolageni kpwa upanga, ili achetu enu nao akale magungu na ana enu nao akale anachiya.

Nehemia 5:3

Kuchikala na anjina arioamba, “Hwaika mzamana minda yehu, mizabibu yehu, nyumba zehu ili huphahe mtsere kpwa sababu ya ndzala.”

Ayubu 31:16

Ichikala namlafya mchiya chochosi aricholonda, au kumuhenda gungu akose kuluphiro,