Alawi 21:5 - Digo Bible

⁵ Alavyadzi-sadaka asidzinyole mabato vitswani wala seemu za vyeru vyao wala kudzitsodza ndembo mwao mirini kpwa sababu ya chiriro.

Alawi 21:5 Referans Kwoze

Kumbukumbu 14:1

Musa waenderera kugomba achiamba, “Mwimwi mu ana a Mwenyezi Mlungu, Mlungu wenu; msidzitsodze wala kunyola chiphala lihosini kpwa ajili ya mutu achiyefwa.

Ezekieli 44:20

Aho taandanyola vitswa vyao, wala kuricha nyere zao zikale nyire, aho ni azidire tu.

Mika 1:16

Nyolani nyere zenu kpwa sababu ya sonono kpwa ajili ya ana enu anaokuhendani mkale na raha, dzihendereni chiphala dza tai mana ana enu andauswa aphirikpwe tsi ya ujenini.”

Amosi 8:10

Nindagaluza sikukuu zenu zikale siku za chiriro, na mawira genu gosi gakale ga chiriro. Nindakuhendani mvwale nguwo za magunia, na chila chitswa chinyolwe chiphala. Siku iyo ndaihenda ikale ya chiriro dza cha mutu achiyefwererwa ni mwanawe wa macheye, na mwishirowe, indakala dza siku ya utsungu.”

Jeremia 48:37

“Chila mutu akanyola chiphala na cheruche. Chila mutu akadzikata-kata mikononi na akadzifunga magunia vibiruni.

Jeremia 16:6

Avyere kpwa adide osi andafwa kpwenye tsi ihi, taandazikpwa na takuna ndiyeasononekera, ndiyedzikata ama kunyolwa chiphala kpwa ajili yao.

Isaya 22:12

Siku iyo Mwenyezi Mlungu, Mlungu wa Majeshi walavya amuri kukala atu arire na kukala na sonono, anyolwe viphala na kuvwala magunia.

Isaya 15:2

Atu a Diboni akaambuka kuphiya mwatu mwa dzulu mwa ibada kpwendarira Amoabu anaririra myango ya Nebo na Medeba. Osi akanyolwa viphala na kunyolwa vyeru vyao tsetsetse.

Alawi 10:6

Alafu Musa achimuambira Aruni na anae, Eliazari na Ithamari, “Msidimule nyere zenu wala kukpwanyula nguwo zenu kpwa chiriro, la sivyo mundafwa na kuarehera Aiziraeli osi chivyamwenga tsukizi za Mwenyezi Mlungu. Ela ndugu zenu, yani nyumba yosi ya Iziraeli, anaweza kurira kpwa sababu ya moho hinyo Mwenyezi Mlungu achioreha.

Alawi 21:4

Iye naasidzitiye najisi hata anaphofwererwa ni ndugu za mchewe.

Ezekieli 5:1

“Uwe mwanadamu, hala upanga wa kurya uuhumire dza wembe wa kunyorera, udzinyole chitswa na cheru. Chisha hala chipimo uganye zo nyere.