Akolosai 4:6 - Digo Bible

⁶ Phahi wakati wosi bishani nao chituwo. Maneno genu nagakale manono, ili afwahirwe na azidi kugaphundza. Ndipho mundamanya kumjibu vinono chila mutu.

Akolosai 4:6 Referans Kwoze

Aefeso 4:29

Msigombe maneno gogosi ga kulaphiza, ela gombani maneno ga kuterya ayawenu kulengana na maitaji gao, ili aphundzao aphahe fwaida.

1 Petero 3:15

ela manyani kukala Jesu ndiye mkpwulu wa maisha genu na mumuogophe moyo kutsuka. Kalani tayari wakati wosi kumuelezea yeyesi ndiyeuza sababu ya kuluphiro renu.

Muhubiri 10:12

Maneno ga mutu mwenye ikima gana chibali; ela mzuzu nkubanangbwa ni manenoge.

Mariko 9:50

Munyu ni mzuri, ela uchibanangika taufwaha na tauweza kuhendwa ukafwaha tsona. Kpwa hivyo kundi renu rikale dza munyu, yani mdinise kuishi na amani na ayawenu.”

Misemo 15:4

Maneno ga upole ni msingi wa uzima na afya, ela maneno ga handzo ganavundza moyo.

Misemo 15:7

Mromo wa mutu wa achili nkueneza marifwa, ela mzuzu kaweza.

Akolosai 3:16

Ririkanani kuhusu habari za Jesu ili zitawale maisha genu. Fundzanani na mkanyane kpwa marifwa manji. Imbani zaburi na mawira ga chiroho kumtogola Mlungu. Tsona mshukuruni mioyo kutsuka.

Mathayo 5:13

Jesu waenderera kugomba, “Mwimwi mu munyu wa atu a dunia. Ela uchibanangika taufwaha na tauweza kuhendwa ukafwaha tsona, ela utsuphiwe uvyogbwe-vyogbwe ni atu.

Misemo 10:21

Maneno ga enye haki ganafwaidi atu anji, ela azuzu aolagbwa ni kukosa achili.

Zaburi 119:46

Nindagomba kuhusu malagizogo mbere ya afalume, nami sindaona waibu.

Zaburi 105:2

Muimbireni, imbani mawira ga kumtogola, semurirani mahendoge ga ajabu!

Zaburi 45:2

Uwe u mnono kuriko anadamu osi; maneno ga mbazi nkutuluka kula mwako kanwani, kpwa mana Mlungu wakubariki hata kare na kare.

Luka 4:22

Atu osi amtogola, na achiangalazwa ni manenoge mazuri achigogomba. Chisha achiuzana, “Yuno siye yuya mwana wa Yusufu?”

Zaburi 119:13

Kpwa raka ra dzulu ninasemurira malagizogo gatulukago mwako kanwani.

Zaburi 66:16

Mwimwi mosi muogophao Mlungu ndzoni mumphundze, nami ndakusemurirani achigonihendera.

1 Nyakati 16:24

Tangazirani mataifa gosi ngumaye, gaambireni makabila gosi kuhusu mahendoge ga ajabu.

Kumbukumbu 11:19

Fundzani ana enu maneno higa na mgabishe msagalapho mwenu madzumbani, munyendekapho, mulalapho na mulamukapho.

Alawi 2:13

Sadaka zenu zosi za mtsere mundazitiya munyu. Musiriche hata chidide kutiya munyu sadaka zenu za mtsere, mana munyu ni ishara ya chilagane Mlungu wenu arichoika namwi. Msikose kutiya munyu sadaka zenu zosi.

Ezekieli 43:24

Nawe undaareha mbere za Mwenyezi Mlungu, nao alavyadzi-sadaka andaatimvira munyu na kualavya dza sadaka ya kuochwa kpwa Mwenyezi Mlungu.