Agalatia 3:11 - Digo Bible

¹¹ Kpwa kpweli takuna mutu aphahaye haki mbere za Mlungu kpwa kulunga Shariya, kpwa sababu Maandiko ganaamba, “Atu ndioishi ni hara ndiophaha haki kpwa kukuluphira.”

Agalatia 3:11 Referans Kwoze

Habakuki 2:4

Lola, mutu anayedzikarya kasawa bii mwakpwe rohoni, ela mutu mwenye haki andaishi kpwa kukuluphirakpwe.

Arumi 1:17

mana zinaonyesa wazi vira Mlungu ahendavyo atu akale na haki. Atu anaphaha haki kpwa kukuluphira bahi, kama Maandiko gaambavyo, “Mutu ahendwaye kukala na haki ni Mlungu andaishi kpwa kukuluphira.”

Aeburania 10:38

Na atu angu enye haki andaishi kpwa kukuluphira. Ela achiuya nyuma, taandanihamira bii.”

Agalatia 2:16

Ela hunamanya kala mutu kaphaha haki kpwa kulunga Shariya, ela kpwa kumkuluphira Masihi Jesu. Kpwa hivyo swiswi naswi hunaphaha haki kpwa kumkuluphira, wala sio kpwa kulunga Shariya, mana takuna hata mmwenga ndiyekala na haki kpwa kulunga Shariya.

Muhubiri 7:20

Kpwa kpweli takuna mutu phapha duniani mwenye haki ambaye nkuhenda manono siku zosi, bila kuhenda dambi.

Maono 5:9

Hivyo amuimbira wira muphya ye Mwana ngʼondzi okala unaamba: “Uwe unafwaha kuchihala hicho chitabu na kugandula ukakawe. Mana uwe watsindzwa na uchimgurira Mlungu atu a tsi zosi na chila kabila dunia ndzima na mlatsoo.

Isaya 53:6

Swiswi hosi hwaangamika njira dza mangʼondzi, chila mwenga akagaluka na kulunga njiraye, na Mwenyezi Mlungu akamuhika iye makosa gehu gosi.

Ayubu 42:6

Kpwa hivyo naona waibu kpwa go nrigogomba, nami nádzimwagira mtsanga na ivu kuonyesa nkatubu.”

Jakobo 3:2

Atu osi nkuhenda makosa manji. Ela ichikala mutu kagomba makosa, phahi kana lawama ya aina yoyosi. Naye anaweza kudzirinda kamare.

Isaya 64:6

Swiswi hosi hukakala dza mutu mkolo, na mahendo gehu gosi ga haki ni dza mademu machafu. Swiswi hosi hunanyala dza makodza, dambi zehu zinahuphepherusa dza makodza gaphepheruswavyo ni phepho.

Isaya 6:5

Ndipho nchiamba, maye mino! Aa sikaangamika mino! Mana mimi mromo wangu ni mchafu na nisegere kahi za atu a miromo michafu na vino matso gangu gakamuona Mfalume, Mwenyezi Mlungu, Mlungu wa majeshi.

Zaburi 19:12

Ni ani awezaye kuona makosage? Niswamehe makosa ga siri.

Ayubu 40:4

“Lola, mimi si rorosi, ndakujibu utu wani? Nkafunga mromo wangu.

Ayubu 9:3

Ichikala mutu analonda kulumbana naye, kahi ya maswali elufu ndigouzwa kandaweza kujibu hata swali mwenga.

1 Afalume 8:46

“Atuo achikuhendera dambi, mana takuna mutu asiyehenda dambi, nawe uareyere na uahende ashindwe ni aviha ao, aahale mateka aphiye nao kahi za tsi yao, iriyo kure au phephi,

Zaburi 143:2

Usiniamule mimi mtumishio, mana takuna mutu ariye na haki mberezo.

Jakobo 1:27

Dini ambayo Baba Mlungu anaikubali na kuiona kala taina makosa ni hino: kuterya anachiya na magungu alondao msada, tsona kudzizuwiya na mai ga dunia hino.