Aefeso 4:31 - Digo Bible

³¹ Phahi richani utsungu, usiru, tsukizi, kuheha, na kulaphizana. Takuna kuzirana tsona wala kuhenderana mambo mai-mai.

Aefeso 4:31 Referans Kwoze

Akolosai 3:8

Ela sambi richani higa gosi: tsukizi, utsungu, kuzirana, kuochera atu ngulu, na kugomba maneno mai-mai.

Muhubiri 7:9

Usitsukirwe upesi, mana tsukizi zikala moyoni mwa azuzu.

1 Petero 2:1

Kpwa hivyo, richani uyi wosi, handzo, unafiki na chidzitso, wala msilaumiane tsetsetse.

Jakobo 1:19

Asena angu, ni lazima mmanye kukala, chila mmwenga ni akale na upesi wa kusikira, ela asikale na upesi wa kugomba, tsona naasitsukirwe upesi.

Akolosai 3:19

Alume namwi, amendzeni achetu enu na musiahendere usiru.

Jakobo 3:14

Ela ichikala mioyo yenu yaodzala chidzitso, upindzani na utsungu, phahi msidzikudule mukaamba muna marifwa, munadzichenga.

Aefeso 4:26

Mchitsukirwa, msihende dambi. Msikale na tsukizi dzuwa dii,

1 Johana 3:12

Msikale dza Kaini, kpwa mana Kaini kala ni wa Shetani, achimuolaga nduguye mwenye. Waolaga nduguye kpwa utu wani? Wamuolaga kpwa sababu nduguye wahenda mambo ga sawa, ela Kaini achihenda mambo mai.

Zaburi 101:5

Mutu amuocheraye ngulu jiraniwe nindamʼbananga, na sindamvumirira mutu mwenye chibero na anayedzikarya.

Jakobo 4:11

Enehu, msilaumiane. Yeyesi amlaumuye myawe au kumuamula analaumu na kuilavya makosa Shariya. Kazi yenu siyo kulavya makosa Shariya ichikala i sawa, ela ni kuilunga.

Misemo 26:20

Moho uchikosa kuni nkufwa na bila ya fyakatsi kondo nkusira.

Tito 1:7

Mana chilongozi ahusikaye na kazi ya Mlungu, ni lazima akale bila lawama. Asikale wa kudziunula, watsukizi, mlevi, mkorofi wala mutu anayedziendzera mali isiyo ya halali.

1 Timothi 3:11

Vivyo hivyo, mchewe naye ni lazima akale wa kuishimiwa ni atu, asisengenye, akale mutu awezaye kudzikanya na akale muaminifu kpwa mambo gosi.

2 Akorintho 12:20

Shaka rangu ni kukala ndiphokpwedza hiko kpwenu sindahamirwa ni higo muhendago, namwi tamundahamirwa ni vira ndivyokuhenderani. Nami silonda nchedza mkale mcherekuheha, kuonerana chidzitso, kutsukirirwana, kudzimendza, kufyakatsirana, kusengenyana, kudzikarya chipumbavu, na kuhenda fujo.

1 Akorintho 14:20

Enehu, msiririkane mambo chanache. Maazo genu nagakale dza ga atu azima, ela kuhusu kuhenda mai, kalani dza ana atsanga.

Misemo 29:22

Mutu wa tsukizi nkuchokoza kondo, na mutu asiyekaa kureya nkuhenda makosa manji.

Misemo 14:17

Mutu wa tsukizi za phephi nkuhenda mambo ga chizuzu, na atu a kuhega ayawao achili nkuzirwa.

Misemo 10:18

Mutu aziraye myawe chisiri-siri ni munafiki, na akatiraye ni mzuzu.

Misemo 10:12

Kuzirana kuna sababisha kuheha, ela kumendzana kunasitiri makosa gosi.

1 Timothi 5:13

Zaidi ya hivyo, andakala na tabiya za uvivu achidengereka ovyo ovyo laloni na kusengenya ayawao, kuinjirira mambo gasigoahusu na kugomba mambo gasigofwaha.

Agalatia 5:20

kuabudu vizuka, utsai, kuzirana, kuheha, kuonerana wivu, tsukizi, uchoyo, kudzitenga na atu, kuganya atu makundi ga kupingana,

1 Akorintho 5:8

Phahi nahusherekeeni Pasaka kpwa kuhumira mkpwahe usiotiywa hamira, mkpwahe wa uswafi na kpweli, si kpwa hamira ya kare, hamira ya uyi na ubaya.

Arumi 3:14

“Miromo yao i tele lana na maneno ga utsungu.”

Misemo 25:23

Viratu phepho ra vuri rirehavyo mvula ndivyo lisengenyo rirehavyo tsukizi.

Misemo 18:8

Maneno ga mutu mmbeya ni dza chakurya cha mtswano, nkuinjira hadi ndani ya moyo.

Misemo 6:19

Shaidi agombaye handzo na ye aphandaye mbeyu ya ufyakatsi kahi za ndugu.

Zaburi 140:11

Hinyo amendzao kusengenya ayawao naasiongokerwe kpwenye tsi, uyi nauangamize mara mwenga hinyo atu ahendao fujo.

Zaburi 64:3

Atu aha ananola ndimi zao dza panga na kutuluza maneno genye sumu dza mivi.

Zaburi 50:20

Mkusagala na kugomba mai abari enu, na kuaochera ngulu enenu ndani mwenga.

Zaburi 15:3

Mutu ambaye kaochera atu ngulu, na kamuhendera mai msenawe wala kusengenya jiraniwe.

2 Samueli 19:27

Naye waniochera ngulu kpwa bwana wangu mfalume. Ela uwe u dza malaika wa Mlungu, kpwa hivyo henda uonavyo ni sawa.

Mwandzo 37:4

Nduguze ariphoona ise yao anammendza sana kuriko aho osi, amzira na achikala taagomba naye vinono.

Mwandzo 27:41

Phahi, Esau wamzira Jakobo kpwa sababu ya baraka ambazo ise kala akamjaliya. Achidziamba mwakpwe moyoni, “Baba a phephi na kufwa, badaye nindamuolaga mwenehu Jakobo.”

Mwandzo 4:8

Ndipho Kaini achimuamba nduguye Abeli, “Huphiye hukawehe hiko weruni.” Ariphokala hiko weruni, Kaini achimgalukira nduguye, achimuolaga.

Maono 12:10

Chisha nchisikira sauti kulu kula mlunguni yoamba, “Vivi wokofu, nguvu, ufalume wa Mlungu wehu na mamlaka ga Masihiwe gakafika. Kpwa sababu hiye Shetani ariyekala mbere za Mlungu kushitaki atumishi ayawehu usiku na mutsi vivi sambi wazolwa hiko mlunguni.

1 Johana 3:15

Yeyesi aziraye myawe ni muolagadzi, namwi mnamanya kala muolagadzi kandakala na uzima wa kare na kare.

Tito 2:3

Vivyo hivyo aambire achetu avyere asagale masagazi ga kumuhamira Mlungu. Analondwa asikale afyakatsi au alevi. Tsona afundze mambo manono,

2 Timothi 2:23

Tsona nakuamba, dzitenge na malumbano ga chipumbavu na ga chijinga, kpwa sababu nkuhenda atu kukosana vibaya.

1 Timothi 3:3

Ni lazima asikale mlevi wala mutu wa kumendza kondo, ela akale mpole tsona mutu asiyemendza kuheha wala kumendza pesa.

Mahendo 21:30

Hipho, mudzi mzima waandza fujo, atu achedza mairo kula chila uphande. Achimgbwira Paulo na achimguruta kula himo Nyumba ya Kuvoya Mlungu, na phapho hipho miryango yosi ichifungbwa.

Jeremia 6:28

Osi ni atu a kuasi kutsupa chiasi na mioyo mifu, aphiyao hiku na hiku kueneza handzo rao. Aho ana mioyo mifu dza shaba na chuma, osi nkuhenda mai.

Misemo 29:9

Mutu wa ikima achilumbana na mzuzu kotini, yuya mzuzu andakala wa kureya au kutseka wala taphandakala na amani.

Misemo 19:12

Tsukizi za mfalume ni dza ngurumo ya simba, ela mendzwaye ni dza manena garigo nyasini.

2 Samueli 19:43

Hinyo atu a Iziraeli achiajibu atu a Juda achiamba, “Swino mfalume anauhusu kano kumi zaidi ya vira anavyokuhusuni mwimwi, tsona hunayo haki katika Daudi zaidi, mbona phahi mwino mkahubera hivi? Tambukirani swiswi hwakala a kpwandza kulavya azo ra kumuuyiza mfalume.” Ela atu a Juda ahujibu chisiru kushinda nyo atu a Iziraeli.

2 Samueli 13:22

Ela Abusalomu kayagomba na Amunoni chitu chochosi, sio chii wala chinono, mana Abusalomu wammena Amunoni kpwa kugbwavukira mwanao Tamari.

Mwandzo 37:21

Rubini ariphoona hivyo, walonda kumtivya Yusufu asiolagbwe ni nduguze achiamba, “Nahusimuolage.

2 Timothi 3:3

Atu andakala asiomendza wala kuswamehe ayawao, tsona afyakatsi, asiodzizuwiya, akatili na asiohamirwa ni chitu chochosi chinono.

Jeremia 9:4

Chila mutu naadzimanyirire na jiraniwe, na usimuamini nduguyo yeyesi, mana chila ndugu ana handzo, na chila jirani ni msengenyadzi.

Zaburi 37:8

Usireye wala kukala na tsukizi usibabaike sedze ukahenda mai.

Aefeso 4:22

Mwafundzwa mriche tabiya na njira zenu mbii za asili ya dambi mrizokala nazo pho kare. Maazo genu mai gakuyugani na gachibananga tabiya zenu.

Aefeso 4:25

Phahi richani handzo. Chila mmwenga ni lazima amuambire myawe kpweli, mana hosi hu vilungo vya mwiri mmwenga.