Aeburania 4:13 - Digo Bible

¹³ Takuna chiumbe chochosi chirichofwitsika hata ikale Mlungu kachiona. Chila chitu chi laza mbereze. Naswi hundalavya isabu ya mahendo gehu mbereze.

Aeburania 4:13 Referans Kwoze

1 Akorintho 4:5

Kpwa hivyo msihukumu chochosi kabila ya wakatiwe. Godzani hadi Bwana Jesu ndiphokpwedza. Iye ndiye ndeika wazi mambo gofwitswa jizani na kuika wazi nia za mioyo ya atu. Na ndipho chila mmwenga andaphaha sifwaye anayostahili kula kpwa Mlungu.

Misemo 15:3

Matso ga Mwenyezi Mlungu ga chila phatu, ganachunguza ayi na anono.

Muhubiri 12:14

Mana Mlungu andaamula mahendo gosi, hata go gahendwago chisiri-siri, gakale manono au mai.

1 Samueli 16:7

Ela Mwenyezi Mlungu achimuambira Samueli, “Usimlole usowe wala chimoche. Mino nkamrema kpwa mana sihenda mambo dza anadamu. Anadamu nkulola unono wa kondze, ela Mwenyezi Mlungu nkulola moyo urivyo.”

Jeremia 17:10

Mimi Mwenyezi Mlungu ndimi nchunguzaye achili za mwanadamu na kupima moyowe. Na kumuhendera chila mutu kulengana na tabiyaze na mahendoge.”

2 Akorintho 5:10

Kpwa mana swiswi hosi hundaima mbere za Jesu ili huhukumiwe. Naye chila mmwenga andariphiwa kulengana na mambo arigohenda wakati phokala asegere hipha duniani, gakale ni manono au mai.

Ayubu 34:21

Mana matsoge ganalola njira za mwanadamu, na kuona chila hatuwa avyogayo.

Arumi 2:16

Na kulengana na hizo habari nono nitangazazo, wakati wa uamuli, Mlungu andamuika Masihi Jesu aamule mambo ga atu garigo siri.

Misemo 15:11

Mwenyezi Mlungu anamanya garigo kuzimu na garigo ndani ya dibwa ra kubananga [Abadoni], phahi moyo wa mwanadamu anaumanya zaidi.

Zaburi 44:21

dze, Mlungu kangegamanya? Mana iye anamanya siri za moyoni.

Ayubu 26:6

Kuzimu ku laza mbere za Mlungu, na Abadoni taina mfwiniko wowosi.

Maono 2:23

Tsona nindaolaga afuasie. Ndipho afuasi osi a Jesu andamanya kala mimi namanya moyo na achili za chila mutu. Chila mmwenga nindamripha kulengana na mahendoge.

Zaburi 7:9

Ee Mlungu wa haki, umanyaye siri za mioyo, na maazo ga atu, komesa fujo ra atu ayi na uimarishe enye haki.

2 Nyakati 6:30

phahi sikira kula hiko mlunguni ukalako na uaswamehe. Chila mutu unammanya moyowe urivyo nawe mriphe kulengana na mahendoge (mana uwe tu ndiwe umanyaye maazo ga mioyo ya anadamu osi).

Zaburi 90:8

Ukaika mai gehu mberezo, dambi zehu za siri zi wazi mberezo.

1 Nyakati 28:9

Daudi waenderera kugomba achiamba, “Uwe mwanangu Selemani, manya Mlungu wa sowe, umuhumikire na moyoo wosi na ummendze kpwa achilizo zosi. Mana Mwenyezi Mlungu anaelewa mioyo yosi na anamanya mipango yosi na maazo gosi. Uchimuendza andakujibu, ela uchimpaza andakupuza hata kare na kare.

2 Nyakati 16:9

Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

Johana 21:17

Wamuuza tsona kano ya hahu, “Simoni, mwana wa Johana, unanimendza?” Petero wasikira utsungu kpwa kuuzwa kano tahu, “Unanimendza?” Naye achiamba, “Bwana, unamanya chila chitu, mana hata we mwenye unamanya kala nakumendza.” Jesu achimuamba, “Risa mangʼondzi gangu.

Johana 2:24

Ela Jesu wamanya hinya atu taakuluphirika, mana anamanya achili za anadamu zirivyo.

Ayubu 38:17

Dze, wavugurirwa yo miryango ya chifo ko kpwako, au waonyeswa yo miryango ya kuzimu?

Mahendo 17:31

Kpwa mana waika siku ambayo andaamula dunia ndzima kpwa haki, muamuli andakala hiye mutu ariyemtsambula. Naye wammanyisa chila mutu, hiye yetsambulwa, kpwa kumfufula.”

Zaburi 139:4

Hata kabila ya mimi kugomba neno rorosi, uwe Mwenyezi Mlungu ukumanya rondirogomba.

Misemo 5:21

Mana ahendago mwanadamu gosi ganaonewa ni Mwenyezi Mlungu, iye anachunguza njira zosi.

Jeremia 16:17

Mana mahendo gao gosi tagaweza kufwitsika mbere zangu. Dambi zao zi wazi mbere zangu.

Jeremia 23:24

Dze, mutu anaweza kudzifwitsa hata nsimuone? Dze, sigotere ko mlunguni na duniani? Mimi Mwenyezi Mlungu nkaamba.

Jeremia 29:23

Mana ahenda mai ko Iziraeli, azinga na akaza majirani gao na agomba maneno ga handzo ambago siahumire kpwa dzina rangu. Mimi ndimi nigamanyaye mana nagashuhudiya, mimi Mwenyezi Mlungu nkaamba.”

Danieli 2:22

Iye nkufwenula mambo ga ndani garigofwitsika, iye anamanya garigo jizani, chisha ko kpwakpwe ndiko kukalako mwanga.

Mathayo 6:4

Naye Sowe, aonaye garigo sirini, andakutuza.”

Johana 4:16

Jesu achiamba, “Phiya ukamuihe mlumeo wedze naye.”