Aeburania 3:11 - Digo Bible

¹¹ Kpwa hivyo náreya na nchiapa, nchiamba, ‘Hakika atu hano sindaaruhusu ainjire phatu phangu pha kuoya.’ ”

Aeburania 3:11 Referans Kwoze

Aeburania 4:3

Sisi humukuluphirao Mlungu ndio ndioinjira phatuphe pha kuoya. Ela kpwa hinyo asiomkuluphira Mlungu, waamba, “Wakati mino kala nikareyezwa, náapa nchiamba, ‘Hakika atu hano sindaaruhusu ainjire phatu phangu pha kuoya.’ ” Mlungu waamba hivi hata dzagbwe kaziye na hata hipho phatu kala pha tayari hangu ariphomala kuumba dzulu na photsi.

Kumbukumbu 2:14

Hangu huuke Kadeshi-Barinea hadi huriphovuka chidzuho Zeredi kala ikatsupa miaka mirongo mihahu na nane. Wakati hinyo, osi enye umuri wa kuphiya vihani ariola Misiri kala akasira kufwa, kulengana na vira Mwenyezi Mlungu arivyoapira.

Aeburania 4:9

Kpwa hivyo bado kuchere na siku ya kuoya kpwa atu a Mlungu.

Aeburania 4:5

Na tsona seemu yanjina ya Maandiko, Mlungu wagomba, achiamba, “Sindaaruhusu ainjire phatu phangu pha kuoya.”

Zaburi 95:11

Kpwa hivyo náreya na nchiapa, nchiamba, ‘Taandainjira phatu phangu pha kuoya.’ ”

Isabu 14:35

Mimi Mwenyezi Mlungu nkaamba, na kpwa kpweli gaga gosi ndigohendera mkpwutano uhu wosi mui uriokusanyika phamwenga kunipinga. Osi andafwa mumu weruni hadi asire.”

Isabu 14:25

Phahi kpwa kukala Aamaleki na Akanani anasagala madeteni, muhondo galukani mphiye weruni kuhumira njira ya Bahari ya Shamu.”

Zaburi 106:26

Kpwa hivyo waunula mkpwonowe achiapa kukala andaahenda afwe jangbwani,