Aeburania 12:13 - Digo Bible

¹³ Gbwirani njira za kugoloka, ili hara ambao magulu gao gapholoza asikpwale akagbwa ela aphole.

Aeburania 12:13 Referans Kwoze

Agalatia 6:1

Enehu, mutu achihenda dambi, mwimwi mlongozwao ni Roho Mtakatifu ni lazima mumkanye, ela mkanyeni chituwo. Dzimanyirireni, ili namwi sedze mkajezwa.

Isaya 35:3

Tiyani nguvu mikono minyonje, dinisani magoyo sigoweza kuima.

Isaya 35:6

Viswere nao andaweza kutinatina dza kulungu na bubu andaimba na raha. Weruni kundazembuka pula za madzi na jangbwani kundajera myuho.

Jakobo 5:16

Kpwa hivyo chila mmwenga naaseme dambize kpwa myawe na mvoyerane ili muweze kuphozwa makongo genu. Mavoyo ga mutu wa haki gana nguvu sana na ganahenda kazi.

Luka 3:5

Chila dete narisirirwe, chila mwango na chidzango navihendwe herera, phariphobeta naphagoloswe, na njira mbii nazitengezwe zikale nono.

Isaya 42:16

Nindaalongoza vipofu kpwenye njira ambazo taadzangbwezitsupira. Nindagaluza jiza rikale mwanga mbere zao, na kuhenda tsi iriyo magome-magome ikale sawa-sawa. Higa ndigo mambo ndigogahenda nami sindaaricha.

Jeremia 18:15

Ela atu angu akaniyala, anafukizira uvumba milungu ya handzo. Akakpwala katika njira zao, kpwenye njira za kare zisizohumirwa. Anatsupira vijirajira badala ya kugbwira barabara kulu.

Isaya 58:12

Magandzogo ga kare gandadzengbwa luphya, undaimisa misingi ya kare, mundaihwa atu a kurekebisha kuta zenye myanya, na njira za midzi.

Agalatia 2:14

Phahi, nriphoona maisha gao tagalunga ukpweli wa mafundzo kuhusu Jesu Muokoli, namuambira Petero mbere za atu osi, “Hata dzagbwe uwe u Myahudi, ela kulunga shariya zosi za Chiyahudi. Sambi kpwa utu wani unashurutisha atu asio kala Ayahudi alunge mila za Chiyahudi?”

1 Petero 2:24

Jesu mwenye wahala dambi zehu achizihenda avi ni zakpwe hata achikotwa msalabani, ili swiswi husitawalwe tsona ni dambi ela hukale na masagazi gamhamirago Mlungu. Iye walumizwa, ili mphole.