2 Samueli 2:26 - Digo Bible

²⁶ Chisha hiye Abineri achimkotera kululu Joabu achiamba, “Dze, swino huenderere kuolagana hadi rini? Kumanya mambo higa mwishowe ni utsungu? Ugodzani usiyeaamuru atu auye na kuricha kuazoresa ndugu zao?”

2 Samueli 2:26 Referans Kwoze

Jeremia 46:14

“Gasemeni ko midzi ya Misiri, yani pigani koikoi ko mudzi wa Migidoli, wa Memufisi na wa Tapanesi, ‘Dzipangeni na mdzitayarishe kudzichinga, mana nyo upanga undaolaga osi achiokuzunguluka.’

Mahendo 7:26

Siku ya phiriye, Musa waona Aiziraeli airi anapigana, achijeza kuasuluhisha achiamba, ‘Enehu, amba mwi mu ndugu, mbona munaheha?’

Jeremia 46:10

Ela siku iyo ni siku ya Mwenyezi Mlungu, Mlungu wa majeshi ni siku ya kuriphiza chisasi avihae. Upangawe undarya hadi umvune, undanwa mlatso wao hadi ukolwe. Mana ye Mwenyezi Mlungu, Mlungu wa majeshi andalavya sadaka kuko tsi ya vurini kanda-kanda ya muho Yufurati.

Hosea 11:6

Kundagbwa viha kpwenye midzi yao, vindavundza-vundza maryango makulu na magbwamage ga kufungira, na kubananga mipango yao.

Jeremia 12:12

Dzulu ya myango ko jangbwani aolagadzi andakpwedza mana upanga wa Mwenyezi Mlungu undaangamiza atu kula mwandzo hadi mwisho wa tsi. Taphana ndiyekala salama.

Jeremia 4:21

Nindaenderera kuona bendera ya viha, na kusikira sauti ya gunda hata rini?

Jeremia 2:30

Anao naatiya adabu bure, taalondere kurekebishwa. Mwimwi mwaolaga manabii genu enye kpwa upanga dza simba avwamukiravyo nyama wanjina.

Isaya 1:20

Ela mchirema na mchiniasi maadui genu gandakuturyani mufwe vihani.” Mana Mimi Mwenyezi Mlungu nkaamba.

Misemo 17:14

Mwandzo wa kuheha ni dza kuombola phatu phenye madzi manji, phahi richa kuvwehana usedze ukareha kondo.

Zaburi 4:2

Mwi atu, mundanibanangira dzina hadi rini? Mundamendza maneno mahuphu na ga handzo hadi rini?

Ayubu 19:2

“Dze, mundanigayisa, na kunivundza na maneno hadi rini?

Ayubu 18:2

“Hadi rini undaenderera kuendza maneno ga kugomba? Ririkana vinono naswi hundagomba.

2 Samueli 11:25

Daudi achimuambira yuya muhumwa, “Muambire Joabu maneno higa, ‘Dzambo hiri risikutiye wasiwasi, mana upanga nkurya hiyu dza unavyorya yuya, zidini kushambuliya nyo mudzi mukauvundze-vundze.’ Mtiye moyo Joabu kpwa maneno higo.”

2 Samueli 2:16

Nao chila mmwenga achimgbwira myawe chitswa na kudunga upangawe kpwenye lavu ra myawe. Osi agbwa chivyamwenga achifwa, ndipho phatu hipho phachiihwa Helikathi-Hasurimu, hiko Gibioni.

2 Samueli 2:14

Abineri achimuambira Joabu, “Nahutsambule barobaro anjina apigane mbilili mbere zehu.” Joabu achiamba, “Haya! Naapigane.”

2 Samueli 2:25

Ndipho atu a Benjamini achikusanyika tsona phamwenga nyuma ya Abineri, achiunda chikosi cha nguvu achichita palo dzulu ya chidzango.

2 Samueli 2:27

Naye Joabu achiamba, “Naapa kpwa dzina ra Mlungu ariye moyo, kama kugombere, phahi hinya atu angeenderera kuzoresa ndugu zao hadi ligundzu.”