2 Petero 2:9 - Digo Bible

⁹ Dze, mambo gano ganahuonyesani? Ganaonyesa kukala Mlungu anamanya njira ambazo andativya atue anono agayao. Ela andaatiya adabu atu ayi kpwenderera hadi siku ya uamuli,

2 Petero 2:9 Referans Kwoze

1 Akorintho 10:13

Takuna majaribu gogosi munagophaha isiphokala garatu ga kawaida ambago anadamu ayawenu nkuphaha. Naye Mlungu ni muaminifu, kandaruhusu mphahe majaribu ga kutsapa uwezo wenu. Ela mchijezwa, Mlungu andakuphani nguvu za kuvumirira ili mgavuke salama.

Maono 3:10

Sambi kpwa vira mwavumirira kama nrivyokulagizani, wakati wa mashaka ndigoreherwa kupima atu dunia ndzima, mino nindakurindani.

2 Timothi 3:12

Kpwa kpweli chila mutu ndiyelonda kusagala masagazi ga kumuogopha Mlungu kpwa kumkuluphira Masihi Jesu, andateswa.

2 Petero 3:7

Kpwa njira iyo-iyo ya nenore, Mlungu nkuhenda dzulu mlunguni na duniani hivi sambi vigodze, hadi ndiphoviangamiza na moho. Siku iyo ya uamuli, atu asiolunga malagizo ga Mlungu andaamulwa na kuangamizwa tsetsetse.

Misemo 16:4

Mwenyezi Mlungu waumba chila chitu kpwa kusudire, hata atu ayi waaumba ili edze aahukumu.

Ayubu 5:19

Andakutivya na mashaka sita, hata ro ra sabaa, andakutivya.

Tito 2:14

Wadzilavya ili ahukombole na uyi wosi na ahutakase hukale atue mwenye, ario na hamu ya kuhenda manono.

2 Petero 2:4

Hunatambukira kukala kpwakala na malaika ariohenda dambi, naye Mlungu kayaaricha. Waatsupha mohoni, ndani ya dibwa ra jiza ambamo waafunga silisili hadi siku ya chiyama.

Arumi 2:5

Ela kpwa sababu u chisoto na kukubali kukala una dambi, unadziikira adabu kali wakati uamuli wa haki ya Mlungu ndiphokala wazi.

Zaburi 4:3

Manyani Mwenyezi Mlungu wadzitsamburira aaminifu akale akpwe; naye nkusikira ninaphomuiha.

Zaburi 32:6

Kpwa hivyo chila ariye muaminifu naakuvoye wakati unaphahikana, tabu ziunukapho dza mafuriko, tazindamfikira.

Ayubu 21:30

kukala atu ayi andarichwa wakati wa mafwa na kutivywa siku ya tsukizi za Mlungu.

Zaburi 12:1

Huterye Mwenyezi Mlungu mana takuna tsona atu anono, atu aaminifu akasira duniani.

Zaburi 37:33

Ela Mwenyezi Mlungu kandamricha mwakpwe mikononi wala kandaricha mwenye haki ahukumiwe kukala ni mkosa ndiphoshitakiwa.

Misemo 12:13

Atu ayi agbwirwa ni maneno gao mai, ela enye haki nkuepuka tabu.

Mathayo 6:13

Usihuriche hukatiywa dambini ni Shetani, ela hutivye na ye mui.

Mathayo 10:15

Nakuambirani kpweli kukala, siku ya uamuli atu a mudzi hinyo andatiywa adabu kali kuriko hira ndiyophaha atu a midzi ya Sodoma na Gomora.”

Juda 1:6

Piya mnamanya adisi ya malaika ambao alonda uwezo kuriko hura kala akahewa ni Mlungu, achiricha kuishi mlunguni ambako ni phatu phao pha asili. Mlungu waafunga jizani na silisili ambayo taindavuguka hadi ahukumiwe siku ya mwisho.

1 Samueli 29:10

Kpwa hivyo muhondo lamuka ligundzu chiti, uwe na atumwa a bwanao Sauli uriokpwedza nao, kuchingʼala mphiye vyenu.”