1 Samueli 7:10 - Digo Bible

¹⁰ Hipho Samueli ariphokala anailavya iyo sadaka ya kuochwa, Afilisti asengera ili kupigana na Aiziraeli; ela siku iyo Mwenyezi Mlungu waapigira chiguruguru Afilisti, msindo mkpwulu sana, achiogofyerwa nao achiangamizwa ni Aiziraeli.

1 Samueli 7:10 Referans Kwoze

1 Samueli 2:10

Ashindanao na Mwenyezi Mlungu andaangamizwa tsetsetse; Iye andaaolaga na chiguruguru kula mlunguni. Mwenyezi Mlungu andaamula dunia yosi; Naye andamupha mfalumewe mkpwotse, na kuenjereza uwezo wa iye ariyemmwagira mafuha.

1 Samueli 12:17

Dze! Hino si kazikazi, wakati wa kuvuna mtsere? Ela mino ndamvoya Mwenyezi Mlungu arehe mvula na chiguruguru, namwi mundamanya na kuona kukala uyi wenu muriouhenda matsoni pha Mwenyezi Mlungu wa kudzitakira mfalume ni munji sana.”

Aamuli 5:20

Nyenyezi za mlunguni zashiriki viha, zalunga njira zao, zichipigana na Sisera.

Joshuwa 10:10

Naye Mwenyezi Mlungu achiahenda akakame kpwa wuoga mbere za Aiziraeli ambao aolaga atu anji hiko Gibioni, achiazoresa kuelekeya njira ya Bethi-Horoni hadi Azeka na Makeda ambako piya aaolaga.

Zakariya 4:6

Naye achiniamba, “Hiri ni neno ra Mwenyezi Mlungu, Mlungu wa majeshi anaromuambira Zerubabeli, ‘Uwe kundafwaulu kpwa nguvu wala uwezo, isiphokala kpwa Roho wangu.’

Aamuli 5:8

Adzitsamburira milungu miphya, tsi ichikala na viha. Ela takuyaphahikana mwenye fumo wala ngao kahi-kahi ya atu elufu mirongo mine a Iziraeli.

Aamuli 4:15

Baraka ariphoandza kushambuliya, Mwenyezi Mlungu achimupha chiwewe Sisera na jeshire mbere ya Baraka. Sisera watserera kula mwakpwe garini achichimbira na magulu.

1 Samueli 7:11

Nao Aiziraeli atuluka hipho Mizipa, achialunga Afilisti, achiapiga hadi kutsapa Bethi-Kari.

1 Samueli 14:15

Afilisti osi tsi ndzima amenywa nchiwewe, ariokala kambini, mindani na kahi-kahi za atu hata cho chikosi cha jeshi na avamizi piya akakama. Tsi piya nayo yasumba na phachikala na chiwewe.

Zaburi 29:3

Sauti ya Mwenyezi Mlungu inasikirika dzulu ya madzi, Mlungu wa nguma ananguruma dza chiguruguru, na sautiye inasikirika dzulu ya bahari.

Zaburi 29:4

Sauti ya Mwenyezi Mlungu ina nguvu, sauti ya Mwenyezi Mlungu ina nguma.

Kumbukumbu 28:7

“Maadui genu gachedza kukushambuliyani, Mwenyezi Mlungu andakuhendani mgaturye. Gachedza kukushambuliyani kpwa njira mwenga gandazola kpwa njira sabaa.

Zaburi 18:15

Ndipho mikondo ya madzi ichioneka na misingi ya dunia ichifwenulwa kpwa kudemurirwa ni uwe Mwenyezi Mlungu, kpwa pumuzi za pulayo.

Zaburi 78:66

Achizola maaduige, achiatiya waibu hata kare na kare.