1 Samueli 30:23 - Digo Bible

²³ Daudi achiajibu achiamba, “Hata enehu, msikale achoyo kpwa zewe huchizohewa ni Mwenyezi Mlungu. Mana iye ndiye achiyehurinda na kutiya mikononi ro jeshi richirokpwedza kuhushambuliya.

1 Samueli 30:23 Referans Kwoze

Kumbukumbu 8:18

Tambukirani kukala Mwenyezi Mlungu, Mlungu wenu, ndiye anayekuphani uwezo wa kuphaha utajiri. Anahenda hivyo ili aonyese kukala cho chilagane arichoika na akare enu ni cha kpweli hadi rero.

Mahendo 22:1

Achiamba, “Enehu na ano baba, navoya mniphundzeto vira ndivyodzihehera hipha.”

Mahendo 7:2

Naye Stefano achiamba, “Enehu na ano baba, niphundzani! Mwenyezi Mlungu wamtsembukira mkare wehu Burahimu wakati acheresagala Mesopotamia, kabila kadzangbwe kpwendasagala Harani.

1 Samueli 2:7

Mwenyezi Mlungu nkuhenda mutu akakala mchiya na piya nkumtajirisha; Nkumtsereza tsini, chisha nkumuunula dzulu.

Aamuli 19:23

Ela yuya mtumia mwenye nyumba watuluka achigomba nao achiamba, “Haini enehu! Msihende dzambo hiro iyi, mana mutu yuyu ni mjeni wangu msimuhendere uzuzu dza uho.

Kumbukumbu 8:10

Mundarya na kushiba namwi mundamtogola Mwenyezi Mlungu, Mlungu wenu, kpwa tsi nono achiyokuphani.

Mwandzo 19:7

Achiaamba, “Enehu, nakuvoyani msihende mambo mai!

Habakuki 1:16

Kpwa hivyo aho nkulavira sadaka na kufukizira uvumba vimiya vyao, kpwa kukala anaamba hivyo ndivyo vichivyoahenda matajiri na kukala na vitu vinji vinono.

1 Samueli 30:8

Daudi wauza kpwa Mwenyezi Mlungu achiamba, “Dze! Ro jeshi nchirilunga ndariphaha?” Naye achimjibu achiamba, “Alunge, kpwa kpweli undaaphaha nawe undativya atuo osi.”

1 Samueli 30:22

Ela atu ayi na asiofwaha, kahi za hinyo ariophiya na Daudi achiamba, “Kpwa kukala atu hinya taayaphiya phamwenga naswi vihani, taundaaganyira hizo zewe huchizoziuyiza, isiphokala chila mmwenga wao andauyizirwa mchewe na anae aphiye vyao.”

1 Samueli 30:24

Chisha hivyo mgombavyo ni ani ndiyekuphundzani? Kpwa mana fungu ra aphiyaye vihani, rindakala sawa na fungu ra hiye akalaye nyuma kurinda kambi.”

Kumbukumbu 8:17

Ela manyirirani sedze mukaamba mwenu mioyoni, ‘Utajiri uhu hwauphaha kpwa uwezo wehu na chadi chehu enye.’