1 Samueli 25:35 - Digo Bible

³⁵ Phahi badaye Daudi waphokera vira vitu arivyoreherwa ni Abigaili, alafu achimuamba, “Haya! Ambuka kpwa amani uuye kpwako kaya. Manenogo nkagasikira nami nkagakubali.”

1 Samueli 25:35 Referans Kwoze

2 Afalume 5:19

Elisha wamuambira; “Phiya na amani.” Naamani waphiya vyakpwe. Ariphokala Naamani kadzangbwefika kure,

1 Samueli 20:42

Alafu Jonathani achimuambira Daudi, “Phiya vyako kpwa amani, navikale viratu hurivyoapirana kpwa dzina ra Mwenyezi Mlungu huriphoamba, ‘Mwenyezi Mlungu andakala kahi ya mimi na uwe, na kahi ya chivyazi changu na chivyazicho, ili huike chilagane chehu hata kare na kare.’ ” Daudi wauka, achiphiya vyakpwe, naye Jonathani achiuya mudzini.

Mwandzo 19:21

Ye malaika achimuamba, “Haya, ni sawa-sawa, nkakubali. Sindauangamiza mudzi hinyo uchiouhadza.

Luka 8:48

Phahi Jesu wamuamba yuya mchetu, “Mayo, kpwa sababu ya kunikuluphira ukaphola. Phiya salama.”

Luka 7:50

Ela Jesu achimuamba yuya mchetu, “Kuluphiroro rikakuokola, phiya salama.”

Ayubu 34:19

Iye kapendeleya vilongozi, wala kapendeleya matajiri kuriko achiya, mana osi ni kazi ya mikonoye.

2 Samueli 15:9

Naye mfalume achimuambira, “Phiya kpwa amani.” Phahi waunuka, achiphiya Heburoni.

1 Samueli 1:17

Ndipho Eli achimjibu achiamba, “Phiya na amani na Mlungu wa Iziraeli naakuphe gosi uchigomvoya.”

Misemo 25:11

Neno rilaviwaro wakati wa kufwaha ni dza matunda ga zahabu kpwenye chano cha feza.