1 Samueli 24:11 - Digo Bible

¹¹ Aya lola baba, hata hiri pindo ra vwaziro ri mwangu mkpwononi! Ichikala nkarikata hiri pindo ra vwaziro na sikuolagire, umanye kukala sina uyi nawe wala sina njama ya kukuasi. Unaniindza uniolage dzagbwe mimi sidzangbwekukosera.

1 Samueli 24:11 Referans Kwoze

1 Samueli 26:20

Phahi usiriche milatso yangu imwagike photsi kure na tsi ya Mwenyezi Mlungu; mana mfalume wa Iziraeli akanitulukira ili aindze uhai wangu, dza vira mutu aindzavyo kpware mwangoni.”

1 Samueli 23:23

Phiyani mkapeleleze mafwitsoge gosi anamodzifwitsa mgamanye, chisha muuye kpwangu na habari za uhakika. Hipho ndipho nami ndaphiya phamwenga namwi na achikala bado achere hipha, mino ndamuendza kahi za maelufu ga atu a Juda.”

1 Samueli 23:14

Phahi Daudi waenderera kudzifwitsa pangani ko tsi ya myango ya weru wa Zifu. Naye Sauli kala achimuendza chila siku, ela Mlungu kayamtiya Daudi mikononi mwa sauli.

Johana 15:25

Hivyo arivyohenda atimiza, Maandiko gaambago, ‘Anizira bure.’

2 Afalume 5:13

Ela atumishie amsengerera achimuamba; “Baba, kala ye nabii angekuambira ukahende dzambo fulani gumu, usingehenda wee? Sambi, unashindwa ni utu wani nawe ukaambirwa, ‘Kaoge uphole’?”

1 Samueli 26:18

Achienderera kugomba achiamba, “Kpwadze bwana wangu ananiindza mimi mtumishio? Nikosa rani rorihenda na ni uyi wani nrionao?

Mika 7:2

Atu aaminifu kpwa Mlungu akauswa kpwenye tsi. Takuna hata mmwenga achiyesala wa hinyo ahendao garigo sawa. Atu osi anagodza kpwa hamu aphahe nafwasi ya kuolaga, chila mmwenga anaindza myawe na nyavu.

Ezekieli 13:18

Na uaambire, ‘Mwenyezi Mlungu anaamba: Shaka hiro mwi achetu mshonao pingu na kuzivwala mwenu mikononi na kutengeza vitambara vyenu vya vitswa vyenye ure tafwauti-tafwauti kpwa kuhega atu. Dze, mundahega atu angu na kudzirinda enye?

Sonono za Jeremia 4:18

Maadui ahulunga-lunga nyago hadi nyago hata huchikala tahuweza kunyendeka mwehu njirani. Mwisho wehu wasengera phephi, siku zehu kala zikaolangbwa, kpwa kpweli mwisho wehu kala ukafika.

Misemo 15:1

Mutu uchimupha jibu ra upole rindausa hasira, ela jibu ra usiru nkutsangira hasira.

Zaburi 140:11

Hinyo amendzao kusengenya ayawao naasiongokerwe kpwenye tsi, uyi nauangamize mara mwenga hinyo atu ahendao fujo.

Zaburi 35:7

Kpwa kukala anihegera muhego bila sababu na achinitsimbira dibwa bila chausa,

Ayubu 10:16

Niunulapho chitswa tu, uwe ukuniindza dza simba, na kuonyesa tsona uwezoo wa ajabu chinyume changu.

1 Samueli 18:27

Daudi wauka phamwenga na atue achendaolaga Afilisti magana mairi. Masunyu gao wagareha, achimupha mfalume isabu kamili, ili akale mtsedza wa mfalume. Kpwa hivyo Sauli achimlóza Daudi mwanawe mchetu, Mikali.

1 Samueli 25:28

Nakuvoya uswamehe kosa ra mtumishio, kpwa kpweli Mwenyezi Mlungu andamuhendera bwana wangu nyumba iriyo imara, kpwa sababu bwana wangu anapigana viha vya Mwenyezi Mlungu. Nawe sikuzo zosi kundaonekana na mai.

Zaburi 59:3

Mana ananiindza aniolage, maadui ga mkpwotse gakakutana anishambuliye, nami sihendere kosa wala dambi, ee Mwenyezi Mlungu.

Zaburi 119:161

Akulu ananigayisa bila chausa, ela moyo wangu unakakama kpwa kuogopha nenoro.

1 Samueli 12:3

Nami himi, phahi mugombani mbere za Mwenyezi Mlungu na mbere za masihiwe. Nahala ngʼombe ya ani? Au nahala punda wa ani? Au ni ani nriyemuonera? Au naphokera hongo kula kpwa ani ili nisilamule kpwa haki? Napho nahala chochosi ndakuuyizirani enye.”

1 Samueli 26:23

Mwenyezi Mlungu nkuripha chila mutu sawa-sawa na hakiye na uaminifuwe. Kpwa mana rero Mwenyezi Mlungu akakutiya mwangu mikononi, ela mino nkarema kukuhendera mai uwe mmwagirwa mafuha wa Mwenyezi Mlungu.

2 Samueli 1:14

Daudi achimuuza, “Kpwadze kuyaogopha kumuolaga mmwagirwa mafuha wa Mwenyezi Mlungu?”

Zaburi 7:5

phahi mviha wangu naanizorese anigbwire, anivyoge-vyoge aniolage, na aniriche pho photsi!