1 Samueli 18:6 - Digo Bible

⁶ Atu ariphokala anauya kaya bada Daudi kumuolaga yuya Mfilisti, achetu kula chila mudzi wa Iziraeli akpwedzamchinjira mfalume Sauli. Apiga njerejere kuno anaimba mawira ga furaha na tamburini na zeze.

1 Samueli 18:6 Referans Kwoze

Aamuli 11:34

Jefutha ariphokala anauya kpwakpwe kaya hiko Mizipa, mutu wa kpwandza kumlaki wakala mwanawe wa chichetu, yekala anapiga tamburini kuno anafwiha kpwa kuhamirwa. Ye msichana wakala ni mwana wa macheye. Jefutha kayakala na mwana wanjina wa chilume wala wa chichetu.

Kutsama 15:20

Phahi Miriamu, nabii wa chichetu, ndugungbwa wa Aruni wagbwira tamburini mwakpwe mkpwononi, na achetu anjina osi achihala tamburini zao achimlunga kuno anazipiga na kuvwina.

Zaburi 68:25

Mbere kuna aimbadzi nyuma kuna apigadzi ngoma kahi-kahi yao asichana anapiga tamburini.

Kutsama 15:21

Na Miriamu achiaimbira wira uambao, “Muimbireni Mwenyezi Mlungu, sababu akashinda kpwa nguma, Amisiri na farasi aho akaahosa baharini.”

1 Samueli 18:5

Daudi wahenda vinono chila chitu arichohumwa ni Sauli, ndipho Sauli achimuika mkpwulu wa anajeshi. Dzambo hiri rahamira atu osi na vilongozi ariokala tsini ya Sauli.

2 Samueli 1:20

Msigasemurire mambo higa hiko Gathi, msigatangaze hiko njira za Ashikeloni, sedze achetu a Chifilisti akahererwa, ana achetu a atu asiotiywa tsatsani akaona raha sana.

2 Samueli 6:5

Daudi na Aiziraeli osi avwina mbere za Mwenyezi Mlungu kpwa nguvu zao zosi, kpwa kuimba mawira na kupiga zeze, ngephephe, tamburini, kayamba na matoazi.

Zaburi 68:11

Mwenyezi Mlungu walavya amuri naro jeshi kulu ra achetu achitangaza habari.

Zaburi 149:3

Naalike dzinare kuno anafwiha, naamupigire tamburini na zeze.

Isaya 30:32

Chila pigo ndiropiga Mwenyezi Mlungu kuhumira ndataye ya kutiira adabu kundasikirwa sauti za tamburini na za ngephephe.