1 Samueli 18:23 - Digo Bible

²³ Na hinyo atumishi a Sauli ariphomuambira maneno higo, Daudi wajibu achiamba, “Dze! Mwino munaona kukala ni dzambo dide ra mutu mchiya na asiyemanyikana dza mimi kukala mtsedza wa mfalume?”

1 Samueli 18:23 Referans Kwoze

1 Johana 3:1

Ririkanani vira Baba Mlungu arivyohumendza hata hunaihwa anae. Na kpweli hu anae, ela atu a dunia hino higo taanago, mana taamanya Mlungu.

Misemo 14:20

Mchiya kamendzwa hata ni majiranige, ela tajiri ana asena anji.

Zaburi 119:141

Mino ni mdide na ninaberwa, ela mino siyala shariyazo.

1 Samueli 9:21

Phahi Sauli wajibu achiamba, “Mimi ni mutu wa mbari ya Benjamini, mryango mdide kuriko mbari zosi za Iziraeli na miryango yosi ya mbari ya Benjamini. Na mryango wangu ndiyo mdide kuriko miryango yosi ya mbari ya Benjamini. Kpwa utu wani phahi, unaniambira ngʼandzi dza hino?”

Mwandzo 29:20

Phahi Jakobo wahenda kazi miaka sabaa kpwa alóle Raheli, ela waiona kama siku chache tu, kpwa vira arivyokala anammendza Raheli.

Mwandzo 34:12

Niambirani chiasi chochosi cha mali na zawadi mlondazo, nindalavya chiasi chira ndichoniambira, bora tu mniloze Dina.”

1 Samueli 18:18

Naye Daudi achimuambira Sauli, “Mino si rorosi na mryango wangu si chochosi himu Iziraeli. Ndawezadze kukala mtsedza wa mfalume?”

1 Samueli 18:22

Naye Sauli waalagiza atumishie abishe na Daudi kpwa siri amuambe, “Lola, mfalume wakutsunuka na atumishie osi anakumendza. Haya mbona kumuambira mfalume akakulóza mwanawe Mikali?”

1 Samueli 18:24

Hinyo atumishi a Sauli achimuuyizira vira Daudi arivyojibu,

Misemo 29:5

Mutu adzipendekezaye kpwa jiraniwe anadziikira chimia cha kudzigbwira mwenye magulu.