1 Samueli 14:38 - Digo Bible

³⁸ Ndipho Sauli achiiha akulu osi a jeshi achiaamba, “Ndzoni hipha ili humanye hukahenda dambi yani rero.”

1 Samueli 14:38 Referans Kwoze

Zakariya 10:4

Kahi ya atu a Juda kundatuluka vilongozi a chila aina, ambao andakala dza dziwe ra msingi, dza chigingi cha kuimisira hema na dza uha wa kupigira viha.

Zaburi 47:9

Atawala a atu a mataifa anakusanyikana kudziunga na atu a Mlungu wa Burahimu. Mana afalume osi duniani ni a Mlungu, iye akaunulwa zaidi.

2 Samueli 18:3

Ela atu achiamba, “Uwe usiphiye, kpwa mana huchilazimika kuchimbira, taandahuona siswi kukala chitu. Au nusu yehu huchifwa, taandahuona kukala chitu. Ela uwe u wa samani dza atu elufu kumi katika swiswi, kpwa hivyo ni baha ukale tayari kuhurehera msada kula mudzini.”

Aamuli 20:2

Vilongozi osi a mbari za Iziraeli ahala nafwasi yao kpwenye kusanyiko ra atu a Mlungu, napho phachikala na anajeshi elufu magana mane akunyendeka na magulu na kuhumira panga.

Joshuwa 7:11

Aiziraeli akahenda dambi, mana akavundza chilagane nrichoalagiza achilunge. Akahala bazi ya vitu nrivyovitenga kpwa ajili yangu. Akaviiya, kuchenga na akaviika phamwenga na vitu vyao.

Isabu 24:17

Nrigoona kpwenye ruwiya tagadzangbwetimiya. Ela siku mwenga kundatsembuka mfalume dza nyenyezi, kula kpwa Jakobo, fwimbo ya utawala hiko Iziraeli. Iye andakuolagani mwimwi Amoabu, na kuangamiza atu osi a Sethi.

Aefeso 2:20

Hu dza mawe gadzengerwago dzengo dziphya ni mitume na manabii. Na hiro dzengo rinadzengbwa dzulu ya dziwe kulu ra msingi, ambaro ni Masihi Jesu mwenye.

Mathayo 21:42

Hipho Jesu waambira, “Hakika mnamanya Maandiko higa ga Mlungu gaambago: ‘Dziwe roremewa ni adzengi, ndipho rikakala dziwe kulu ra msingi. Mwenyezi Mlungu ndiye yehenda dzambo hiri, naro huchirilola rinahuangalaza!’

Joshuwa 7:12

Kpwa hivyo Aiziraeli taandaturya maadui gao, andakala a kuchimbira maadui gao, kpwa sababu nyo enye akakala chitu cha kuangamizwa. Sindakala phamwenga namwi, hadi mndiphoangamiza vitu nrivyotenga kpwa ajili yangu kahi-kahi yenu.