1 Samueli 13:19 - Digo Bible

¹⁹ Phahi, taayaona msanadzi yeyesi kpwenye tsi yosi ya Iziraeli, kpwa mana Afilisti kala akaamba, “Aeburania asidzitengezere mapanga au mafumo.”

1 Samueli 13:19 Referans Kwoze

2 Afalume 24:14

Wahala atu osi a Jerusalemu, akulu osi, atu osi ariokala masujaa, afungbwa elufu kumi, na mafundi osi na afuladzi a vyuma. Takuna ariyesala isiphokala hara ariokala achiya kabisa kpwenye iyo tsi.

Jeremia 24:1

Bada ya Jehoyakini, mwana wa mfalume Jehoyakimu wa Juda na nyo maofisaa, mafundi na enye vyanda kuhalwa mateka kula Jerusalemu kuphirikpwa Babeli ni mfalume Nebukadineza, Mwenyezi Mlungu wanipha ruwiya. Lola, phakala na vikaphu viiri vya tini mbere ya nyumba ya Mwenyezi Mlungu.

Aamuli 5:8

Adzitsamburira milungu miphya, tsi ichikala na viha. Ela takuyaphahikana mwenye fumo wala ngao kahi-kahi ya atu elufu mirongo mine a Iziraeli.

Isaya 54:16

Mimi ndimi nriyeumba mfula vyuma, akusanyiraye moho wa makala, na kutengeza silaha za chila aina, piya nchimuumba mʼbanangi ahumiraye silaha kubananga.

1 Samueli 13:20

Aiziraeli osi kala nkutserera kpwa Afilisti, ili kunola chila mutu jembere, phangare, mbadzoye na sururuye.

Jeremia 29:2

Gaga ni bada ya mfalume Jekonia na nine na maofisaa ariotulwa a nyumbani mwa mfalume, vilongozi a Juda na a Jerusalemu, mafundi na enye vyanda, kuhalwa mateka kula Jerusalemu.