1 Petero 3:12 - Digo Bible

¹² Mana matso ga Mwenyezi Mlungu ganalola ahendao haki, na masikiroge ga wazi, kuphundza mavoyo gao. Ela uso wa Mwenyezi Mlungu u chinyume cha ahendao mai.”

1 Petero 3:12 Referans Kwoze

Johana 9:31

Humanyavyo Mlungu kaphundza achina-dambi, ela anaphundza mutu yeyesi amuabuduye na kuhenda gara alondago.

Misemo 15:29

Mwenyezi Mlungu a kure na atu ayi, ela anaphundza mavoyo ga enye haki.

Misemo 15:3

Matso ga Mwenyezi Mlungu ga chila phatu, ganachunguza ayi na anono.

2 Nyakati 7:15

Sambi matso gangu gandavuguka na masikiro gangu gandaphundza mavoyo ndigovoywa phatu hipha.

Misemo 15:8

Sadaka za atu ayi ni tsukizo kpwa Mwenyezi Mlungu, ela nkufwahirwa ni mavoyo ga enye haki.

2 Nyakati 16:9

Kpwa mana matso ga Mwenyezi Mlungu nkulola chila phatu kosi duniani, ili aatiye nguvu hara anaomkuluphira iye chikamilifu. Ukahenda dzambo ra chizuzu nawe kuandzira sambi undakala na viha.”

Jakobo 5:16

Kpwa hivyo chila mmwenga naaseme dambize kpwa myawe na mvoyerane ili muweze kuphozwa makongo genu. Mavoyo ga mutu wa haki gana nguvu sana na ganahenda kazi.

Zaburi 65:2

Uwe usikiraye mavoyo! Anadamu osi andakpwedza kpwako kpwa sababu ya dambi.

Ezekieli 15:7

Nindahakikisha napho andachimbira moho huno, moho wanjina undaaocha. Wakati ndiphogaluka chinyume chao mundamanya kukala mimi, ndimi Mwenyezi Mlungu.

Kumbukumbu 11:12

Piya ni tsi ambayo Mwenyezi Mlungu, Mlungu wenu, anaijali. Mwenyezi Mlungu, Mlungu wenu anailola na kuimanyirira siku zosi hangu mwandzo hadi mwisho wa mwaka.

Zaburi 80:16

Mzabibuo ukatemwa na ukaochwa, kpwa kuademurira, atuo anaangamia.

Alawi 26:17

Nindakulozerani kogo ili mpigbwe ni maadui genu. Hara anaokutsukirirwani andakutawalani namwi mundachimbira kpwa wuoga hata napho taphana anayekuzoresani.

Alawi 20:3

Mimi mwenye nindamtsukirirwa mutu hiye na kumtenga na atue kpwa sababu walavya mmwenga wa anae dza sadaka kpwa Moleki na hivyo akanajisi phatu phangu phatakatifu na dzina rangu takatifu.

Jeremia 21:10

Mana nkakata shauri kuuhendera mudzi uhu mai wala si manono, undatiywa mikononi mwa mfalume wa Babeli naye andautiya moho uphye, mimi Mwenyezi Mlungu nkaamba.”

Zaburi 11:4

Mwenyezi Mlungu a ndani ya nyumba takatifu ya kuvoya Mlungu na chihiche cha utawala chi mlunguni. Iye analola anadamu osi na anachunguza gara ahendago.

Alawi 20:6

“Napho mutu yeyesi akakosa uaminifu kpwangu kpwa kuphiya kpwa aganga a kupiga mburuga na atsai, nindamtsukirirwa mutu hiye na kumtenga na atue.

Alawi 17:10

“Mutu yeyesi akale Muiziraeli au mjeni, asagalaye kahi yenu achirya milatso yoyosi, nindamtsukirirwa naye ni atengbwe kure na atue.

Zakariya 4:10

Mana hata ye ariyebera siku ya mambo madide-madide andahererwa ndiphoona Zerubabeli ana kabiro mkpwononi, anadzenga. Chisha ye malaika achiniambira, “Hizi taa sabaa ni matso ga Mwenyezi Mlungu, nago ganaona chila phatu duniani.”

Zaburi 33:18

Ela matso ga Mwenyezi Mlungu ganalola hinyo anaomuogopha, hinyo anaokuluphira mendzwaye isiyosika,

Jeremia 39:12

“Muhale na umrinde vinono, usimuhende rorosi iyi, ela muhendere rorosi akuambiraro.”