1 Nyakati 12:8 - Digo Bible

⁸ Alume masujaa kula mbari ya Gadi aphiya kpwendaungana na Daudi hiko ngome ya jangbwani, alume hinyo kala ni atu ariobara viha, ariokala na ujuzi wa kuhumira ngao na mafumo. Sura zao kala ni dza sura za simba nao aweza kuzola chirahisi dzulu ya myango dza chiphala.

1 Nyakati 12:8 Referans Kwoze

2 Samueli 2:18

Ana ahahu a Seruya kala a hiko, Joabu, Abishai na Asaheli. Hiye Asaheli kala ana mairo dza chiphala.

2 Samueli 23:20

Benaya, mwana wa Jehoyada kala ni sujaa kula Kabuseeli, ariyehenda mambo makulu. Ndiye ariyeolaga masujaa airi kula Moabu. Piya wakati wanjina wakpwendaolaga simba ndani ya dibwa wakati wa barafu.

2 Samueli 17:10

Phahi hata iye ariye sujaa, mwenye moyo dza wa simba, andavudzala kpwa wuoga kabisa, mana Iziraeli osi anamanya kukala sowe na atu ario phamwenga naye piya ni masujaa.

Jeremia 46:9

Sengerani mbere, mwi farasi, shambuliyani mwi anajeshi akuhumira magari ga kuvwehwa ni farasi! Sengerani mbere mwi masujaa: Atu a Kushi na Puti ajuzi akuhumira ngao, atu a Ludi amanyao kuhumira uha.

Wira wa Selemani 8:14

Henda wangbwi, wende wangu, mairo dza ga chiphala, ama chidzisa, dzulu ya vidzango ambako vilungo nkumera!

Misemo 28:1

Atu ayi nkuchimbira dzagbwe taazoreswa, ela enye haki ni jasiri dza simba.

Misemo 6:5

Phatsula upesi dza chiphala kula mikononi mwa muindza, dza nyama wa mapha aphatsulavyo agbwirwapho ni muhego.

2 Nyakati 25:5

Chisha Amaziya achikusanya atu a Juda achiapanga sawa-sawa na mbari zao, tsini ya akulu a vikosi vya anajeshi elufu-elufu na akulu a vikosi vya anajeshi gana-gana, kula Juda na Benjamini. Atu ariotsambulwa ni kuandzira miaka mirongo miiri na zaidi, achiphahikana masujaa elufu magana mahahu, okala a tayari kpwa viha na anaweza kuhumira fumo na ngao.

1 Nyakati 12:16

Na tsona baadhi ya atu a Benjamini na Juda akpwedza ngomeni kpwa Daudi.

1 Nyakati 11:22

Benaya, mwana wa Jehoyada kala ni sujaa kula Kabuseeli, ariyehenda mambo makulu. Ndiye ariyeolaga masujaa airi kula Moabu. Piya wakati wanjina wakpwendaolaga simba ndani ya dibwa wakati wa barafu.

1 Nyakati 11:16

Wakati hinyo, Daudi kala a hiko ngomeni, na chikosi chimwenga cha jeshi ra Afilisti kala chi Bethilehemu.

2 Samueli 1:23

Sauli na Jonathani amendzwa na ahamira atu. Maishani wala chifoni taayatengbwa, akala epesi a mairo kuriko makozi gaurukavyo, akala na nguvu kuriko simba.

1 Samueli 24:22

Phahi Daudi wamuapira Sauli. Chisha Sauli wauya kpwakpwe kaya, ela Daudi na atue aambuka kuphiya mafwitsoni ko pangani.

1 Samueli 23:29

Naye Daudi wauka, achendasagala ngome ya Eni-Gedi.

1 Samueli 23:14

Phahi Daudi waenderera kudzifwitsa pangani ko tsi ya myango ya weru wa Zifu. Naye Sauli kala achimuendza chila siku, ela Mlungu kayamtiya Daudi mikononi mwa sauli.

1 Nyakati 12:7

Joela na Zebadia ana a Jerohamu kula Gedori.

1 Nyakati 12:9

Mkpwulu wao ni Ezeri, wa phiri Obadiya, wa hahu Eliabu;