1 Johana 5:10 - Digo Bible

¹⁰ Mutu yeyesi akuluphiraye kala Jesu ndiye Mwana wa Mlungu anakubali ushaidi wa Mlungu. Ela asiyekuluphira, anahenda Mlungu akale na handzo, mana kaamini ushaidi wa Mlungu wa kuhusu Mwanawe.

1 Johana 5:10 Referans Kwoze

Arumi 8:16

Phahi ye Roho anahuhakikishira ndani ya roho zehu kala swiswi hu ana a Mlungu.

Agalatia 4:6

Sambi kpwa sababu hu ana a Mlungu, Mlungu wareha Roho wa Mwanawe mwehu mioyoni, naye Roho nkumuiha Mlungu “Baba!”

Johana 3:33

Ela mutu achikubali ushaidi wa Jesu, anaonyesa kukala Mlungu ni wa kpweli.

Johana 5:38

wala tamlunga manenoge, kpwa sababu tamnikuluphira mimi ariyenihuma.

Aeburania 3:12

Enehu, dzimanyirireni sedze hata mmwenga wenu akakala na moyo wenye maazo mai na kusakuluphira, na kpwa kuhenda hivyo, andadzitenga na Mlungu ariye moyo.

Isabu 23:19

Mlungu si mutu, ta agombe handzo, wala si mwanadamu, ta agaluze maazoge. Achiahidi chitu, andachihenda, achigomba utu, andautimiza.

1 Johana 5:1

Chila mutu aaminiye kala Jesu ndiye Masihi, Mlungu andamuiha mwanawe. Mutu yeyesi amendzaye Baba Mlungu anamendza anae piya.

1 Johana 1:10

Huchiamba kukala tahudzangbwehenda dambi, hunahenda Mlungu akale na handzo, na hunarema manenoge.

Zaburi 25:14

Mwenyezi Mlungu ni msenangbwa wa hara amuogophao na nkuafundza chilaganeche.

Maono 2:17

Mwenye masikiro naasikire higa muambirwago ni Roho Mtakatifu. Mutu ndiyeshinda, nindamupha tuzo ra mnyahu wa chakurya cha manna yofwitswa. Piya nindamupha dziwe dzereru, ambaro raandikpwa dzina dziphya. Ela takuna mutu ndiyemanya dzina hiro siphokala iye achiyehewa dzina hiro.’ ”

Akolosai 3:3

Kpwa sababu maisha ga kare gasira, kama avi mwafwa, na sambi muna maisha maphya. Atu taaelewa kukala maisha genu maphya na Jesu ni chitu chimwenga kpwa Mlungu.

Misemo 3:32

Mana atu ayi ntsukizo kpwa Mwenyezi Mlungu, ela ye nkuamini atu ambao njira zao zagoloka.

Maono 12:17

Higo gahenda rira dzoka rimzire yuya mchetu na richendapigana na ana anjina a yuya mchetu ariosala. Atu aho ni aratu alungao shariya za Mlungu na kushuhudiya kuhusu Jesu.

Maono 2:28

Atu ndioshinda, nindaapha kombezi.

2 Petero 1:19

Kpwa hivyo hunaamini zaidi maneno gotangazwa ni manabii na indakala vinono mchiphundzato. Maneno higo ni sawa na taa ilavyayo mwanga wakati wa jiza. Ela, dza viratu nyenyezi ya ligundzu ionyesavyo kukala ni siku yanjina, ndivyo Jesu naye andakpwedza angʼale mioyoni mwehu.

Johana 3:16

Kpwa sababu iyo Mlungu wamendza atu duniani hata achimlavya mwanawe wa macheye, ili chila mutu amkuluphiraye asiangamike, ela akale na uzima wa kare na kare.

Isaya 53:1

Ni ani ariyeamini ujumbe hurioureha? Ni ani ariyeonyeswa nguvu za Mwenyezi Mlungu?

Ayubu 24:25

Ichikala si hivyo ni ani ndiyeniamba nina handzo, na kuonyesa kukala nigombago si ga kpweli?”

Jeremia 15:18

Kpwa utu wani kugaya kpwangu takusira chironda changu ni cha mrema, tachilonda kuphola. Dze, undanivundza moyo dza chidzuho cha madzi chiumacho?

Johana 3:18

Takuna uamuli umgodzayo mutu amkuluphiraye. Ela aamulwa kare osi asiomkuluphira, mana taayamkuluphira Mwana wa macheye wa Mlungu.

Agalatia 4:1

Hebu lolani mfwano huno. Wakati mrisi achere mwanache, kana tafwauti na mtumwa, hata dzagbwe mali yosi ni yakpwe.

Mahendo 8:37

Filipu achimuamba, “Uchiamini chikpweli rohoni, unaweza kubatizwa.” Yuyu mutu achiamba, “Naamini kala Jesu Masihi ndiye Mwana wa Mlungu.”]