1 Akorintho 12:4 - Digo Bible

⁴ Kuna bazi nyinji za vipawa vya chiroho, ela alavyaye ni yehiye Roho Mtakatifu.

1 Akorintho 12:4 Referans Kwoze

1 Petero 4:10

Mlungu nkuapha atu vipawa vya aina tafwauti, na chila mmwenga ni atundze chipawache vinono na achihumire kpwa fwaida ya ayae.

1 Akorintho 12:28

Kahi ya makundi ga atue, Mlungu watsambula anjina kpwandza akale mitume, phiri manabii, na hahu alimu. Chisha anjina nao achiatsambula ahende vilinje, anjina akale na chipawa cha kuphoza makongo, anjina aterye ayawao, anjina akale vilongozi, na anjina agombe na luga njeni.

Aeburania 2:4

Mlungu piya walavya ushaidi wa wokofu hinyo kpwa kuhenda dalili, maajabu na vilinje, na kulavya vipawa vya Roho Mtakatifu kama arivyomendza.

Aefeso 4:11

Naye ndiye ariyeapha atu vipawa. Anjina waatsambula akale mitume, anjina manabii, na anjina ahubiri. Chisha anjina nao achiatsambula akale achungaji na alimu a atu a Mlungu.

Kutsama 31:3

Nkamuodzaza na Roho wangu ili akale na uwezo wa kumanya aina zosi za ufundi,

1 Akorintho 7:7

Kpwa kpweli naaza kala alume osi ni dza mimi. Ela chila mlume ana chipawache malumu arichohewa ni Mlungu, mmwenga ana chipawa hichi na wanjina ana chanjina.

1 Akorintho 12:1

Enehu, nalonda mmanye vinono sana kuhusu vipawa vya Roho Mtakatifu.

1 Akorintho 12:5

Tsona kuna bazi nyinji za utumishi, ela Bwana ni iye mmwenga.